POP 5

Lajmet më të lexuara të 5 minutave të fundit

Kronikë

Kurbin/ Punëtori ra në makinerinë e inerteve dhe humbi jetën, arrestohet një nga bashkëpronarët! Hoqi edhe DVR e kamerës, 2 ende në kërkim (EMRI)

Ngjarja tragjike e të shtunës së 23 Nëntorit në Kurbin, ku humbi jetën Fatmir Haxhiu, punëtori i një pike inertesh në Skuraj teksa ra në makineri, ka çuar nën pranga një prej bashkëpronarëve të subjektit privat, që ishte shpallur në kërkim. Policia gjen edhe DVR e kameras që ishte hequr, dy të tjerët ende në kërkim

Kurbin/ Punëtori ra në makinerinë e inerteve dhe humbi jetën, arrestohet një nga bashkëpronarët! Hoqi edhe DVR e kamerës, 2 ende në kërkim (EMRI)

Policia e Kurbinit

Kurbin- Ngjarja tragjike e të shtunës së 23 Nëntorit në Kurbin, ku humbi jetën punëtori i një pike inertesh në Skuraj teksa ra në makineri, ka çuar nën pranga një prej bashkëpronarëve të subjektit privat, që ishte shpallur në kërkim.

Policia e Lezhës konfirmoi sot (25 Nëntor) se si rezultat i kontrolleve, u kap Kastriot Lleshaj, 53 vjeç, banues në Fushë-Mamurras.

“Nga hetimet dyshohet se shtetasi F. H. (Fatmir Haxhiu) u rrëzua si pasojë e shkeljes së rregullave të mbrojtjes në punë, në subjektin në pronësi të 53-vjeçarit dhe vëllait të tij. Gjithashtu, dyshohet se i arrestuari ka hequr pajisjen DVR të kamerave të subjektit, me qëllim pengimin e zbulimit të së vërtetës së këtij rasti”, njoftoi policia vendore.

Më tej theksohet se pajisja DVR u gjet nga Policia dhe u sekuestrua në cilësinë e provës materiale, teksa “vijon puna për kapjen e bashkëpronarit të subjektit, si dhe të drejtuesit teknik të tij”.

Ngjarja ndodhi në zonën e lumit Mat, në Skuraj, teksa 61-vjeçari Fatmir Haxhiu ka rënë në makinerinë e përpunimit të inerteve, duke marrë plagë të rënda. I plagosur u dërgua drejt Spitalit të Traumës në Tiranë, por fatkeqësisht ka humbur jetën.

Për aksidentin e rëndë në punë u shpallën në kërkim pronarët e pikës së imerteve Kastiot Lleshaj, Mark Lleshaj dhe Ilirjan Xhixha. Ndaj tyre është ngritur akuza "shkelja e rregullave të mbrojtjes në punë” dhe “veprime që pengojnë zbulimin e së vërtetës”.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

'Varri i Enverit dridhej nga demonët! Ushtarët që e ruanin përfunduan në çmendinë', Visar Zhiti: Pse Ramizi dhe Nexhmija e çuan Nënë Terezën te ish-diktatori?

'Varri i Enverit dridhej nga demonët! Ushtarët që e ruanin përfunduan në çmendinë', Visar Zhiti: Pse Ramizi dhe Nexhmija e çuan Nënë Terezën te ish-diktatori?

25 Nëntor, 19:36