POP 5

Lajmet më të lexuara të 5 minutave të fundit

Kronikë

E rëndë në Kurbin/ 61-vjeçari bie në makinerinë e përpunimit të inerteve, humb jetën te Trauma! Ishte i pastrehë, tërmeti i shembi shtëpinë

Një 61-vjeçar ka humbur jetën tragjikisht teksa po punonte në fshatin Skuraj në Kurbin. Fatmir Haxhiu ka rënë në pjesët e makinerisë së përpunimit të inerteve në lumin Mat, duke marrë plagë të rënda.

KURBIN- Një punëtor ka humbur jetën tragjikisht teksa po punonte në një makineri përpunimi inertesh në lumin Mat në fshatin Skuraj të Kurbinit. 61-vjeçari, Fatmir Haxhiu ka rënë në makinerinë e përpunimit të inerteve në lumin Mat, duke marrë plagë të rënda. Më pas është dërguar për ndihmë mjekësore në spitalin e Traumës, por ka humbur jetën.

Fatmir Haxhiu ishte i pastrehë dhe jetonte në kushte të mjerueshme, pasi shtëpia e tij ishte shembur 5 vite më parë nga tërmeti dhe nuk kishte përfituar nga fondet e rindërtimit.

Për aksidentin e rëndë në punë janë shpallur në kërkim pronarët e pikës së imerteve Kastiot Lleshaj, Mark Lleshaj dhe Ilirjan Xhixha, ndërsa po hetohen shkaqet.

Ndaj tyre është ngritur akuza "Shkelja e rregullave të mbrojtjes në punë” dhe “Veprime që pengojnë zbulimin e së vërtetës”.

"Specialistët për Hetimin e Krimit në Komisariatin e Policisë Kurbin referuan materialet në Prokurori dhe bënë shpalljen në kërkim  të shtetasve: K. Ll., 53 vjeç,  dhe M. Ll., 59 vjeç, banues në Fush- Mamurras, Kurbin, (vëllezër) dhe të shtetasit I.Xh, 58 vjeç,(drejtues teknik)  për veprën penale "Shkelja e rregullave të mbrojtjes në punë” dhe “Veprime që pengojnë zbulimin e së vërtetës”, informoi sot policia.

Policia ka bllokuar aktivitetin e shfrytëzimit dhe përpunimit të inerteve në shtratin e lumit Mat.

SI.E./Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Sylvinho 'motivon' Cristian Shpendin, sulmuesi i Kombëtares shënon golin e nëntë në Itali

Sylvinho 'motivon' Cristian Shpendin, sulmuesi i Kombëtares shënon golin e nëntë në Itali

23 Nëntor, 21:39