'Vol-Vo 4'/ Në kërkim prej dy muajsh, arrestohet noteri i shpallur në kërkim (Emri)

Një person i akuzuar për implikim në grupin e strukturuar kriminal në fushën e krimit ekonomik, të goditur nga operacioni "Vol-Vo 4" në tetor të 2018-s, është arrestuar këtë të premte në Lezhë. Personi i vendosur në pranga është Emanuel Gjura, 32 vjeç, noter, banues në Lezhë.

Gjykata e Shkallës së Parë për Krimet e Rënda Tiranë ka caktuar për Emanuel Gjurën masën e sigurisë "arrest me burg" për veprat penale "shpërdorim detyre" "grup të strukturuar kriminal", "falsifikim të dokumentave, vulave, stampave e formularëve" si dhe për "shpërdorim toke". 

Mega operacioni "Vol-Vo 4", i shtrirë në 12 qytete të vendit, coi në pranga në muajin tetor 34 persona midis të cilëve edhe dy ish-deputetët e PS-së, Arben Ndoka dhe Arben Cuko (Lexo këtu). Gjithashtu, në pranga ra edhe 'koka' e grupit kriminal të Shijakut, Astrit Avdylaj, për akuzën e trafikut të drogës dhe të krijimit të grupit kriminal.

Më 23 tetor, Report Tv zbardhi ekskluzivisht skemën se si familjet Avdylaj, Bajri, Ndoka e Sulejmani kishin ndarë detyrat e kryenin trafikun e drogës në dy linja nga Greqia e Italia me destinacion BE-në. Nga përgjimet rezultoi se Ndokajt, Bajrat, anëtarë të familjes Sulejmani në Fier dhe një tjetër grup kriminal në Delvinë kryenin trafikun e drogës në linjat e ngritura nga Avdylajt. (Lexo këtu)

TAG:
• persona të shpallur në kërkim
• grup i strukturuar kriminal
• vjedhje me arme
• arrestohen
• astrit avdyli