POP 5

Lajmet më të lexuara të 5 minutave të fundit

Ekonomi

Kursi i këmbimit në ndërrim te viteve/ Dhjetori u mbyll pa luhatje të euros, dollari në rënie! Ndikon mosardhja e emigrantëve (VIDEO)

Dhjetori i vitit që lamë pas u mbyll pa luhatje të forta në kursin e këmbimit valutor. Sipas të dhënave të Bankës së Shqipërisë një euro në 31 dhjetor u shit me 123.8 lekë nga 121 lekë që ishte niveli i 2019. Ndërsa për dollarin rënia ka qenë e fortë. Ekspertët thonë se në forcimin e lekut kanë ndikuar masat kufizuese të ndërmarra nga shumë shtete.

Muaji dhjetor i vitit që kemi lënë pas u mbyll pa luhatje të ndjeshme në kursin e këmbimit. Më 31 dhjetor 2020 një euro u këmbye me 123.8 lekë nga 121.7 lekë që u këmbye në të njëjtën datë të vitit 2019. Monedha evropiane që pas muajit mars të vitit të shkuar kur u shfaq virusi në vend, ka qëndruar e stabilizuar por lartë nivelit të vitit 2019, si pasojë e dërgesave të ulta valutore nga jashtë.

Monedha e përbashkët në datat 23 dhe 24 dhjetor zbriti në nivelin e 122 lekëve, por sipas ekspertëve lidhej me efektin sezonal si pasojë e dërgesave të emigrantëve për festat e fundvitit, por nga ana tjetër dërgesat përsëri nuk ishin në të njëjtin nivel me ato të 2019-ës.

Nga ana tjetër për festat e këtij viti kërkesa ishte më e lartë për monedhën kombëtare lekë, pasi qytetarët e kishin të vështirë të udhëtonin jashtë vendit për pushime si pasojë e masave bllokuese të ndërmarra nga shumë shtete të huaja, për të mos lejuar përhapjen e pandemisë. Por edhe masat e marra nga qeveria jonë për kufizimin e orarit dhe mbylljen e bareve dhe restoranteve në orën 20:30 solli ulje të shpenzimeve.

Ndërsa sa i takon dollarit ka pasur një zhvlerësim të ndjeshëm në raport me monedhën vendase, dhe në ditën e fundit të vitit 2020, 1 dollar amerikan është këmbyer me 100.8 lekë nga 108 lekë që u shit në 2019. Sipas ekspertëve kjo luhatje e dollarit lidhet më shumë me tregjet ndërkombëtare dhe stabilitetin e tyre.

Sipas Bankës së Shqipërisë në muajin dhjetor këmbimi mesatar i euros ishte 124 lekë nga 122 në 2019 dhe i dollarit amerikan nga 110 lekë në 102 lekë në dhjetor 2020.

 

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze