Kurti i thotë jo 'sinovac': Pranojmë vaksina vetëm nga shtete që kanë njohur pavarësinë! Shtyhet vaksinimi i mësuesve, Vitia: Shqipëria s'ka më AstraZeneca dhe Pfizer

Kurti i thotë jo 'sinovac': Pranojmë vaksina vetëm nga shtete që kanë njohur pavarësinë! Shtyhet vaksinimi i mësuesve, Vitia: Shqipëria s'ka më AstraZeneca dhe Pfizer

Kryeministri i Kosovës Albin Kurti ka deklaruar se Kosova nuk e ka komoditetin e pranimit të vaksinave siç e kanë edhe shtetet tjera.

Duke theksuar se ata  do t’i pranojnë vaksinat vetëm nga shtetet që e kanë njohur Kosovën.

“Duhet ta keni parasysh që Kosova duke qenë që nuk njihet nga jo pak shtete në botë, nuk e ka komoditetin e pranimit të vaksinave gjithandej. Orientimi ynë është me shtetet që na kanë njohur andaj edhe e kemi rezervën tonë dhe qëndrimin tonë karshi ofertave të ndryshme të cilat mund të na vinë nga shtetet mos njohëse”, ka shtuar ai.

Ndërkohë që ministri I Shëndetësisë Vitia ka bërë me dije se shtyhet vaksinimi i mësuesve kosovarë në Shqipëri.  Ai tha sot se shtyrja është bërë pasi Shqipëria nuk ka më sasi të vaksinave “AstraZeneca” dhe “Pfizer”.

"Dozat e vaksinave “AstraZeneca” dhe “Pfizer” janë harxhuar, siç më ka njoftuar ministrja Manastirliu. Në Shqipëri po vazhdon vaksinimi me “Sinovax“, e cila është prodhuar nga Kina dhe për arsye se në Kosovë na ndalojnë ligjet që të importojmë produkte që nuk janë të regjistruar në EMA (Rregullatori Evropian i Barnave), ne nuk e kemi parë të arsyeshme që mësimdhënësit të vaksinohen. Kjo është arsyeja pse është shtyrë procesi. Manastirliu më ka thënë se sapo të vijnë doza të tjera të dy llojeve të vaksinës, atëherë do ta ndihmojnë Kosovën”, është shprehur ministri Vitia.

Javën e kaluar vendi filloi vaksinimin e qytetarëve me vaksinat e AstraZeneca, të siguruara nëpërmjet mekanizmit të COVAX. Ndërkohë që në maj pritet të vijnë ehe 76 000 dioza të tjera. 500 mjekë dhe infermierë të Kosvës u vaksinuan fillimisht në Kukës dhe kryeministri shqiptar Edi Rama premtoi se do të ndihmonte vendin në rast të nevojës. 

/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Redi: 06/04/2021 06:49

    E o koqe e

    Përgjigju
  • Iris: 06/04/2021 03:39

    /Mbijeto sot, qe te luftosh neser./ Z.Kurti,ju nuk mund t'i mbani peng jetet e njerezve per hir te politikes.Kina nuk ka per t'a njohur kurre Kosoven,pershkak te Tibetit,te cilin e ka pushtuar;po keshtu dhe Rusia,jo vetem pse eshte <<kusherire>> e Serbise,por edhe per ngateresat qe llokocit te ish-republikat dhe interesat qe ka ndaj tyre.A do te ishit dakord t'a merrni Sinovakun dhe Sputnikun,nepermjet nje vendi te dyte,p.sh.Shqiperia,Turqia,etj ?

    Përgjigju
  • Mësuesi: 05/04/2021 18:31

    Bravo...!!!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet