Afro 100 është numri i zyrtarëve që këshillojnë e ndihmojnë kryeministrin Albin Kurti e tre zëvendësit e tij. Kurti që vetë ka qenë kritikues i drejtuesve të mëhershëm të qeverisë për numrin e lartë të këshilltarëve, numëron 38 të tillë.
Sipas ligjit, pagat e anëtarëve të kabinetit të Kurtit sillen nga 987 deri në 1155 euro, pa llogaritur këtu edhe përfitimet e tjera që gëzojnë, si mëditjet, shpenzimet e biletave, reprezentacionit, e të tjera. Qeveria Haradinaj të cilën e kritikonte Kurti numëronte 35 këshilltar.
Para se të bëhej kryeministër, Albin Kurti vlerësonte se pesë këshilltarë do të ishin të mjaftueshëm.
“Nuk kanë çfarë më duhen as 35 këshilltarë, jo naj pretencioziteti intelektual timin por nashta 5 këshilltarë më mjaftojnë. 35 janë si mos të jenë asnjë, ose tregojnë një farë paaftësie fundamentale të vetë kryeministrit…”, kishte deklaruar ai në shtator të vitit 2019.
Por, në mes të mandatit si kreu i Qeverisë, Kurti numëron 38 këshilltarë. Prej tyre, 18 janë këshilltarë politikë, 10 nëpunës e 10 të jashtëm, të cilët nuk paguhen nga buxheti i shtetit.
Emërimi i stafit të kryeministrit është e përcaktuar me rregulloren për fushat e përgjegjësisë administrative të Zyrës së Kryeministrit dhe Ministrive. Sipas nenit 23 të kësaj rregulloreje, “kryeministri mund të emërojë deri në 15 këshilltarë politikë”.
Por, në rregullore theksohet edhe mundësia që kryeministri ka të emërojë deri në 9 këshilltarë nga secili prej komuniteteve. Nga Zyra e Kryeministrit, është sqaruar se në mesin e 18 këshilltarëve që numëron Kurti, katër janë nga komunitetet, derisa Andin Hoti, ndonëse renditet në listën e këshilltarëve, është kryetar i delegacionit të Kosovës për bisedime për çështjen e personave të zhdukur.
Sipas Ligjit të Pagave, këshilltarët në Zyrën e Kryeministrit kanë koeficientin nga 12.4 më i larti deri në 4.7. Rrjedhimisht, llogaritur me vlerën e tij prej 105 eurosh i bie që pagat e anëtarëve të kabinetit të Kurtit sillen nga 493 euro deri në 1302 euro, pa llogaritur këtu edhe përfitimet e tjera që gëzojnë, si mëditjet, shpenzimet të biletave, reprezentacionit, e të tjera.
Të drejtën për këshilltarë e nëpunës gëzojnë edhe zëvendësit e Kurtit. Zv.kryeministri i parë Besnik Bislimi, në kabinetin e tij numëron 18 zyrtarë. Prej tyre 10 janë politikë, 2 të jashtëm e 6 nëpunës.
Tre zyrtarë më shumë se te zyra e Bislimit janë në atë të Donika Gërvallës, që është edhe ministre e Punëve të Jashtme dhe Diasporës. Nga 21 sa janë gjithsej, 10 janë politikë, 1 këshilltar i jashtëm dhe 10 nëpunës.
Në numrin e përgjithshëm, nga të dhënat e ofruara nga Zyra e Gërvallës, përfshihen edhe katër zyrtarët që punojnë për dy zv.ministrat Liza Gashi e Kreshnik Ahmeti. 10 këshilltarë politikë, ka edhe zv.kryeministrja Emilja Rexhepi. Përveç tyre, në kabinetin e saj janë edhe 6 nëpunës e 1 këshilltarë i jashtëm.
Në bazë të rregullores, zv.kryeministrat kanë të drejtë të emërojnë 10 këshilltarë politikë, 5 të jashtëm e deri në 6 nëpunës. Po ashtu, secili prej tyre mund të emërojë edhe nga një këshilltar për komunitetet.
Për numër të lartë të këshilltarëve, edhe nga vetë Kurti, në vazhdimësi është kritikuar ish-kryeministri Ramush Haradinaj./Koha.net
Komente
Lajme të tjera
-
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Kosovë/ KQZ urdhërohte të çertifikojë Listën Serbe për zgjedhjet parlamentare të 9 shkurtit
25 Dhjetor, 17:03 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Qeveria e Kosovës, bonus 100 euro për pensionistët dhe për fëmijët deri në moshën 16 vjeç
22 Dhjetor, 12:30 -
Starlink në Kosovë, Kurti: Hap i rëndësishëm në avancimin e infrastrukturës dixhitale
22 Dhjetor, 10:49 -
Qeverisje me duar jo edhe aq të pastra në Kosovë
21 Dhjetor, 16:04
-
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Veton Surroi: Fjalimi që kryeministri i Kosovës nuk duhet ta mbajë në Tiranë më 2025
20 Dhjetor, 20:29
-
Prokuroria Speciale e thërret për herë të dytë kryeministrin Albin Kurti për dëshmi
20 Dhjetor, 15:31
Adem Demaqi dikur ka pas thane per Rugoven se po te kisha mundesi do i jepja 10 vite jeté nga jeta ime, sot kjo i shkon shum mir kurrcit per te cilin kishte albanci qe do in tia jepnin disa vite jeté por besoj se tashme Jane penduar me zgjedhjen qe kan ber, kisha dashur shume ta dija se kush jane 38 kshilltaret e tij por mjafton qe njof ate skellzen gasi nje pjelle serbosllave apo ate kshilltaren per luginen, ndoshta ka kshilltar edhe per muqibaben,muqivercen, e Ku ta dij tjeter por ama sikur vetem nje nga kshilltaret e tij tia doje te miren atij dhe kosoves do ka kishte kshilluar qe te mbyllej diku dhe tmos dali kurre ne publik sepse u ba gazi i botes, e shkatrroi kosoven edhe me keq se pinjollet e millosheviqit bilez ta merr me vetem edhe tbijen e milicit te millosheviqit mender presednike osmanka.
Përgjigju