Kurti: Nuk kemi hequr dorë nga reciprociteti me Serbinë

Kosova nuk ka hequr dorë nga reciprociteti i plotë me Serbinë. Kryeministri Albin Kurti gjatë seancës së debateve për 100 ditët e para të qeverisjes, ka thënë se kjo masë do të vendoset kur qeveria të jetë plotësisht gati.

“ Ju e dini, në Kurti 1, ne e vendosëm reciprocitetin dhe qeveria e pastajme e hoqi reciprocitetin. Nëse ne nuk arrijmë ta zbatojmë plotësisht reciprocitetin sërish, atëherë ai vdes edhe si koncept”, tha Kurti

Kurti tha se reciprociteti i plotë me Serbinë do të realizohet mes dy shteteve totalisht të barabarta, në mënyrë që të mos prishet në të ardhmen.

“Reciprocitetin nuk e kemi për hakmarrje, besojmë që është një parim i shëndosh i marrëdhënieve midis shteteve, që derivon nga koncepti i barazisë. Përveç kësaj, reciprocitetin nuk e kemi për të shtuar barriera, por për t’i hequr ato ekzistuese dhe duam ta bëjmë në mënyrën në të cilën nuk zhbëhet më”, tha kryeministri.

Për reciprocitetin deklaroi kryeministri është diskutuar edhe gjatë takimeve që ka pasur në Bruksel në kuadër të dialogut me Serbinë, që ndërmjetësohet nga Bashkimi Evropian.  

Kosova në fund të vitit 2018 kishte vendosur taksën 100 për qind ndaj produkteve serbe. Kjo taksë, në Qeverinë Kurti 1 u zëvendësua me reciprocitet, ku u përfshin një sërë masash tregtare, masa të cilat u shfuqizuan më pas nga qeveria Hoti, pasi BE dhe Shtetet e Bashkuara e kishin konsideruar si pengesë për vazhdimin e dialogut ndërmjet Kosovës dhe Serbisë.

S.M./KT/Shqiptarja.com
  • Sondazhi i ditës:

    A mendoni se do të zbatohet kodi etik nga ministrat e kabinetit Rama 3?

Komento


×

Lajmi i fundit

John

Talebanët përjashtojnë vajzat nga shkollat e mesme afgane