Kryeministri i Kosovës Albin Kurti, pas samitit në Shkup me liderët e vendeve të rajonit dhe zyrtarë të BE-së, ka publikuar në facebook, foto me kryeministrin Edi Rama dhe kryetarin e Aleancës për Shqiptarët, Arben Tivarin duke theksuar se shqiptarët duhet të jenë krah njëri tjetrit.

Mes të tjerash, Kurti shkruan se shqiptarët e kanë të qartë orientimin euro-atlantik dhe ndërtimin e aleancave të ndryshme.

“Në Shkup, në margjina të konferencës së liderëve të rajonit për Planin e Rritjes së BE-së, bashkë me kryeministrin Rama takuam dhe bashkëbiseduam me Arben Taravarin, Kryetarin e Aleancës për Shqiptarët. Shqiptarët më shumë sesa fat, e kanë vetëdije historike e kombëtare orientimin e qartë euro-atlantik dhe ndërtimin e aleancave mbi vlera e bindje. Sfidat shpesh i kemi të ngjashme e të përbashkëta. Shërbimin ndaj qytetarëve duhet përherë ta kemi qëllim të palëkundur të angazhimit politik. E në rrugë e sipër na duhet të jemi krah për njëri-tjetrin, për zhvillim, demokratizim, reformë, progres dhe mirëqenie”- shkruan Kurti.

Ditën e djeshme, 2 kryeministrat shqiptarë morën pjesë në samitin e organizuar në Shkup të Maqedonisë së Veriut mes vendeve të Ballkanit Perëndimor dhe zyrtarëvëe të BE-së lidhur me planin e rritjes ekonomike për shtetet ballkanike.

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera