Kurti: Reciprocitetin nuk e shohim si mjet për hakmarrje

Kryeministri i Kosovës, Albin Kurti ka deklaruar se për të nënshkruar një marrëveshje finale me Beogradin duhet që Serbia të ndryshojë kushtetutën dhe ka theksuar edhe njëherë se me të dërguarin e BE, Miroslav Lajçak nuk ka diskutuar për arkiva dhe as reciprocitetin.

“ Nuk kemi biseduar tema të cilat nuk janë përmendur në komunikatë, nuk ka pasur diçka të re që do të mund ta ndaja me juve si lajm. Nuk do të ketë takim para 6 tetorit, kur kemi samitin në Slloveni midis BE dhe 6 shteteve të Ballkanit perëndimor. Nuk ka një datë të caktuar kur do të jetë takimi jonë i radhës”, tha Kurti.

Ndërkohë që theksoi se reciprociteti nuk është përdorur asnjëherë për hakmarrje.

“Reciprocitetin nuk e shohim si mjet për hakmarrje, por si mjet për barazi. E duam reciprocitetin për heqjen e barrierave nga Serbia”, u shpreh kryeministri Kurti.

Ai shtoi se para 6 tetorit nuk do të ketë takim me presidentin serb, Aleksandër Vuçiç. Ndërsa për takimin me Kurtin, Miroslav Lajçak tha më herët se tema më e rëndësishme e bisedës ishte dialogu Kosovë-Serbi, por është diskutuar edhe mbi të ardhmen e Kosovës dhe bashkëpunimin rajonal.

S.M./Shqiptarja.com
  • Sondazhi i ditës:

    A mendoni se Gjykata Kushtetuese do e shkarkojë presidentin Meta ?

Komento


×

Lajmi i fundit

John

Itali/ Si nëpër filma, 11- vjeçari lë shkollën dhe niset për të vizituar Romën: Doja të shihja Koloseun!