Kryeministri i Kosovës, Albin Kurti sërish ka kërkuar që Serbia të hapë arkivat shtetërore, në mënyrë që të zbardhet fati i personave të pagjetur. Ai ka argumentuar se krimet e kryera gjatë luftës së fundit në Kosovë, ishin “krime të kryera nga shteti i Serbisë” dhe theksoi se hapja e këtyre arkivave është domosdoshmëri.
Në një panel në Konferencën e Sigurisë në Mynih, ku u diskutua për drejtësinë tranzicionale, Kurti tha se Kosova e ka prioritet drejtësinë tranzicionale.
Në këtë drejtim ai përmendi disa nga nismat që ka ndërmarrë Qeveria e Kosovës siç është ajo për themelimin e Institutit për krimet e kryera gjatë luftës, hartimin e Strategjisë Kombëtare për Drejtësi Tranzicionale, themelimin e Komisionit për hulumtimin dhe dokumentimin e trashëgimisë kulturore të shkatërruar gjatë luftës së viteve 1998-1999 dhe fuqizimin e Departamentit të Krimeve të Luftës në Prokurorinë Speciale të Kosovës.
Edhe në të kaluarën, Kurti kishte kërkuar që Serbia të hapë arkivat shtetërore që të ndriçohet fati i personave të zhdukur gjatë luftës në Kosovë.
Duke përmendur Maskrën e Reçakut, Kurti tha se e kaluara nuk ka kaluar ende “përderisa krimet e luftës dhe gjenocidi vazhdojnë të mohohen”.
Në dhjetor të vitit 2021, ministri i Punëve të Brendshme të Serbisë, Aleksandar Vullin mohoi Masakrën e Reçakut, në të cilën u vranë civilë shqiptarë të Kosovës në janar të vitit 1999.
Sipas Fondit për të Drejtën Humanitare, në luftën e fundit në Kosovë janë vrarë rreth 13,500 persona. Mbi 1,600 konsiderohen ende të pagjetur./ REL
Lajme të tjera
-
Këshilli i BE-së merr vendimin, u heq vizat serbëve të Kosovës që kanë pasaporta të Serbisë
22 Korrik, 12:55 -
Albini, pushimet në Greqi ndërsa fushatën në Shqipëri
20 Korrik, 19:08 -
‘Serbia po organizon arratisjen e të burgosurve nga Kosova’, ministrja e Drejtësisë kërkon hetim ndërkombëtar: Beogradi synon të godasë rendin publik
20 Korrik, 14:01 -
Serbi/ Vrasja e policit serb në Loznicë, ekzekutohet autori i dyshuar, shqiptari Faton Hajrizi! Daçiç: 400 policë në aksion! S'kishte ndërmend të dorëzohej
19 Korrik, 14:15 -
U ndalua me fletëarrest të Serbisë, ish-ushtari i UÇK-së dërgohet në paraburgim për 30 ditë në Maqedoninë e Veriut
18 Korrik, 22:03 -
Autoritetet e Serbisë në kërkim të shtetasit të Kosovës për vrasjen e policit, Kurti bën thirrje për mospolitizim
18 Korrik, 08:53 -
Ish-ushtari i UÇK-së ndalohet në Maqedoninë e Veriut, me fletëarrest të lëshuar nga Serbia
17 Korrik, 22:45 -
Tajlanda heq vizat për Kosovën! Kurti: Pasaporta jonë po vazhdon të fuqizohet
17 Korrik, 08:02 -
Kurti: Anëtarësimi në NATO mbetet synim i qartë i Kosovës
16 Korrik, 13:29 -
Si Serbia po e zvogëlon numrin e shqiptarëve në Preshevë
14 Korrik, 14:18 -
NATO shpreh shqetësim: Situata e sigurisë në Kosovë nuk është stabilizuar, ka mundësi për përkeqësim
11 Korrik, 20:03 -
Haradinaj: Kurti dhe e gjithë klika e tij janë kriminelë
11 Korrik, 16:22
