Kurti takim me ambasadorët e akredituar në Prishtinë dhe Lajçak: Do prezantojmë platformën e punësimit dhe do diskutojmë për Asociacionin

 Kryeministri Albin Kurti gjatë ditës së sotme po zhvillon një takim me ambasadorë dhe të dërguar të posaçëm të Bashkimit Evropian për dialogun Kosovë-Serbi, Miroslav Lajçak.  Sipas planit, do  diskutohet për prezantimin e platformës së punësimit të të rinjve dhe më pas për Asociacionin e dialogun me Serbinë.

 “Do të takohemi me të gjithë ambasadorët të cilët janë të akredituar këtu në Prishtinë, në Republikën e Kosovës. Por edhe me diplomatë të tjerë të vendeve mike, e kemi një takim në orën 11:00. E më pastaj e kemi edhe një drekë pune me emisarin e veçantë të Bashkimit Evropian për Ballkanin dhe për dialogun Kosovë-Serbi, zotëri Lajçak. E më pastaj do të mund të flasim për këto gjëra, pasdite. Do t’ju tregojmë se çfarë temash do të diskutojmë, por gjëja më e mirë që filloi sot është projekti ‘Super puna’, ka thënë Kurti.

Kurtin  është pyetur nëse do prezantojë gjashtë kushtet e tij për Asociacionin, ndërkohë që ai ka përmendur platformën “Super Puna” dhe punësimin e të rinjve.

“Ata që dalin prej temës së rinisë, ata që nuk janë bash të rinj, mund të flasim edhe për Asociacionin e për dialogun, e për zotëri Lajçak edhe për zëvendësin tim Bislimi. Por, pasi të kryejmë takimin dhe drekën e punës” , ka shtuar ai.

F.D/Shqiptarja.com

TAG:
• Miroslav Lajcak
• Asociacioni i komunave serbe
• Albin Kurti