Në datën 22 qershor 2009, dy ditë përpara zgjedhjeve të përgjithshme, fishat e përgjimit në Prokurorinë e Përgjithshme, interceptuan edhe zërin e Ilir Metës, asokohe Kryetar i LSI-së. Përgjimi nuk kishte si objektiv Ilir Metën, por biznesmenin Kastriot Ismailaj.
Telefonata ishte tepër delikate. Biznesmeni kishte marrë një mesazh nga Ilir Meta, ku i kërkonte 200 mijë euro, vetëm 2 ditë përpara zgjedhjeve.
“Nesër në darkë (më 23 qershor), duhet të takohemi patjetër. Më duhen 200 mijë patjetër. Mos harro.” – thuhet në mesazhin e dërguar nga Meta në drejtim të Ismailajt.
Asokohe, oficeri i Policisë Gjyqësore, tha se një person me imuniteti si Ilir Meta, nuk mund të përgjohej, dhe për këtë arsye, përgjimet u asgjesuan.
Sot jemi në një situatë totalisht të njëjtë. Kryeministri Edi Rama, ka rënë në rrjetën e përgjimeve nga Prokuroria e Krimeve të Rënda, dhe më konkrretisht nga prokurori Besim Hajdarmataj.
Në përgjime, kryeministri Rama, flet me kordinatorin e Partisë Socialiste Arben Keshi, dhe e pyet për objektivin e votave. Nëse e lexon mes rreshtave, dhe e dëgjon disa herë komunikimin, aty nuk është kryer asnjë vepër penale. Madje, nëse e krahason me atë të Ilir Metës, përgjimi ndaj Ramës është i papërfillshëm.
Por ajo që të bën përshtypje, është fakti se ky përgjim që nuk ka edhe një vendim gjykate për Kryeministrin Rama, nuk është asgjesuar. Përgjimi nuk evidenton as vepër penale dhe është kryer në shkelje ligjore ndaj një zyrtari të lartë, siç është Kryeministri i vendit.
Neni 224, pika 1, e Kodit të Procedurës Penale, nëse përgjimi nuk është i nevojshëm, atëherë prokurori i çështjes mund të kërkojë asgjesimin e tij. Prokuror i “Dosjes 184” ishte Besim Hajdarmataj, i shumëpërfolur për ekspozimin e përgjimeve tek Partia Demokratike.
Dosja “184” u iniciua nga Edi Paloka
E gjithë saga e “Dosjes 184”, ku është përfshirë në përgjime edhe Kryeministri Rama, ka nisur në 19 shtator 2016, pas një kallëzimi të Edi Palokës, për vepra penale të Krimit Elektoral.
Në 23 nëntor 2016, dosjen e merr në dorë prokurori Besim Hajdarmataj, i cili kryen 2 vjet përgjime, deri në 19 shtator 2018. Pas përgjimeve, janë regjistruar emrat e 7 personave dhe nuk është kryer asnjë veprim për ti shoqëruar.
Në datën 20 Janar 2017, ka nisur tanskriptimi i përgjimeve të “Dosjes 184”, dhe ka vazhduar deri në shtator të 2018. Në ktë periudhë kohe, janë kryer disa veprime të pjesshme hetimores sipas urdhërit të prokurorit Hajdarmataj. Pas kësaj, prokurori i çështjes, Besim Hajdarmataj, transferohet në Pogradec dhe çështjen e merr Klodian Braho.
Në tetor 2018, Klodian Braho urdhëron transkiptimin e plotë të CD-ve dhe verfikimin e rrethanave të ngjarjes. Skandali thellohet më tej, pasi në kohën kur Hajdarmataj u largua nga Krimet e Rënda, ai dorëzoi një inventor të njëanshëm, duke dorëzuar zbardhjen e përgjimeve, por jo CD origjinale.
Në datën 8 shkurt 2019, pra 5 muaj pasi u largua, Besim Hajdarmataj dorëzon 57 CD. Pikërisht këtu lind edhe dyshimi, se audio-përgjimet mund të kenë mbërritur në zyrën e Partisë Demokratike.
Është e njëjta skemë si në “Dosjen 339”, ku edhe aty ishte i përfshirë Besim Hajdarmataj./Gazeta Shqip
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Martin Leka: Saliu doli, alibia ra, Rama fërkon duart!
27 Nëntor, 14:51
-
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Sali Berisha lirohet nga 'arresti shtëpiak!' Reagon opozita! Bardhi: Fitore politike e tij! Meta nga burgu: Urime
27 Nëntor, 11:29 -
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
IM e ka marre rrugen e tij dhe besoj kete here do perfundoje te vendi, ai dhe ca te tjere. Kete kerkon EU dhe partneret qe na duan te miren se vetem keshtu mind te beje perfundimisht perpara vendi
Përgjigju