POP 5

Lajmet më të lexuara të 5 minutave të fundit

Bota

Kush është Andrei Belousov, njeriu pa përvojë ushtarake që do të bëhet ministër i Mbrojtjes në Rusi

Kush është Andrei Belousov, njeriu pa përvojë ushtarake që do të bëhet ministër i Mbrojtjes në Rusi

Andrei Belousov

Presidenti rus Vladimir Putin ka propozuar një ministër të ri të mbrojtjes të papritur, duke emëruar Andrei Belousov, një ish-zëvendëskryeministër i specializuar në ekonomi. Ai është një emër që nuk e kemi dëgjuar shumë gjatë luftës, por si ministër i Mbrojtjes ai do të bëhet një figurë kyçe.

Kush është Andrei Belousov?

Belousov 65-vjeç u diplomua në Fakultetin Ekonomik të Universitetit Shtetëror të Moskës në vitin 1981. Ai u emërua këshilltar i kryeministrit rus në vitin 2000 dhe iu bashkua Ministrisë së Ekonomisë në vitin 2006.

Midis 2008 dhe 2012 ai shërbeu si drejtor i departamentit të ekonomisë dhe financave nën Vladimir Putin. Belousov u emërua ministër i Ekonomisë në vitin 2012 dhe më pas shërbeu si këshilltar i Presidentit rus nga viti 2013 deri në vitin 2020.

Pas kësaj ai ishte zëvendëskryeministër – me një periudhë të shkurtër ku ai shërbeu si kryeministër kur Mikhail Mishustin u prek nga COVID-19 në vitin 2020.

Sipas RBC, ai praktikoi sambo dhe karate në rininë e tij dhe nuk shërbeu në forcat e armatosura. Në krahasim nga ministrat e mëparshëm të mbrojtjes, Belousov nuk ka një përvojë ushtarake. Por ai besohet të jetë i afërt me Putinin.


Lajmi kryesor:

Putini vendos për riorganizimin në Kremlin! Ministri i Mbrojtjes zëvendësohet me një ekonomist, largohet besniku i tij nga Këshilli i Sigurimit
SI.E./Shqiptarja.com
  • Sondazhi i ditës:

    Skandali tek Onkologjiku, a duhet hetimet të shkojnë përtej mjekëve?

Lajme të tjera



×

Lajmi i fundit

Letërsia shqipe mbetet pa mbret

Letërsia shqipe mbetet pa mbret

1 Korrik, 16:05 nga Roland Qafoku