Kush është Ursula, presidentja e re e Komisionit Europian?

Pasi rekuperoi terren, duke bindur delegacione të ndryshëm europian për ta mbështetur dhe pas prezantimit të platformës së saj social ekonomike, me 383 vota pro, ish Ministrja e Mbrojtjes gjermane Ursula von der Leyen u zgjodh për të drejtuar Komisionin Europian, e dyta president femër pas Simone Veil, 40 vite më parë.

Po kush është Ursula, Presidentja e re e Komisionit Europia?

Ajo ka lindur në një rrethinë të Brukselit, më shumë se 60 vjet më parë.

Ursula Von der Leyen kaloi 13 vjetët e parë të jetës së saj në Bruksel. Babai i saj, Ernst Albrecht, ishte një zyrtar i nivelit të lartë në Komunitetin Ekonomik Evropian dhe në Komunitetin Evropian.

Në kohën kur ishte studente në Londër, iu desh të përdorte një emër të rremë pasi ishte në listën e objektivave të një organizate terroriste gjermane të kohës.

Në CDU ajo hyri në vitin 1990. Pas një përvoje lokale, në vitin 2005 ajo bën kapërcimin e madh në politikën kombëtare.

Në dallim nga shumë kolegë të saj, von der Leyen flet rrjedhshëm anglisht dhe frëngjisht dhe gjithmonë ka vepruar me vetëbesim në skenën ndërkombëtare.

Në legjislatura e qeverisjes së kancelares Merkel, von der Leyen mbajti një sërë postesh ministrore.

Fillimisht mbajti postin e ministrit të Familjes në harkun 4-vjeçar midis 2005-s dhe 2009-s.

Më tej, në vitin 2009, duke shërbyer në kabinetin e dytë të Merkelit, von der Leyen, u bë ministre e Shëndetësisë.

Katër vjet më vonë, në dhjetor 2013, ajo u kthye në Ministrinë e Mbrojtjes.

 

Në të kaluarën ka qenë kandidate edhe për sekretare e përgjithshme e NATO-s, por edhe për presidente e Gjermanisë, në postin e Frank-Walter Steinmeier.

 

TAG:
• Ursula von der Leyen
• Ernst Albrecht