Mbrëmë presidenti Meta u bind dhe dekretoi Sandër Lleshin ministër të Brendshëm. U bind ndaj Kushtetutës dhe ndaj frikës se do të shënonte një tjetër rekord negativ në imazhin e tij politik.
Në fund të kësaj sage 2 javore ja vlen të bëjmë një përmbledhje të asaj që ndodhi për të kuptuar jo vetëm pse-në, por edhe për të parë se kush e fitoi shahun politik, nëse do i referohemi për një moment përkufizimit të kryeministrit Rama.
Para dy javësh, kryeministri Rama çoi në zyrën e Metës emrin e Sandër Lleshit për ministër të Brendshëm. Roli i Presidentit në Republikën tonë parlamentare, sa i përket dekretimeve të ministrave është një formalitet dhe kortezi honorifike, por vetëm kaq. Këtë e ka ditur që ditën e parë edhe Meta, edhe këshilltarët e tij ligjorë dhe mediatike.
Por Ilir Meta është politikan që është mësuar të luajë në sulm, ndaj vendosi që të nisë një luftë ndaj qeverisë, duke nxjerrë lloj e soj argumentash dhe duke kërcënuar në njëfarë mënyre se do sillte kaos me veprimet apo mosveprimet e tij. Ilir Meta nisi të luajë rolin e kryetarit të opozitës nga karrigja e presidentit me mosdekretim ministri, gjë që nuk e kishte bërë as heroi për së gjalli i PD-së, Bujar Nishani. Situata u kthye ne qesharake kur folën konstitucionalistët dhe ish-presidentët, të cilët thanë se Meta ka gabuar dhe se duhet thjeshtë ta dekretonte Lleshin pasi Kushtetuta nuk i jepte atij tager të mosdekretonte një propozim të kryeministrit. Them u kthye ne qesharake sepse pavarsisht kësaj, Meta vazhdonte të mosdekretonte Lleshin pse ky i fundit nuk i kishte shkuar në një takim privat, që Presidenti i kishte kërkuar me anë të një njeriu që e njihnin të dy, apo se pse Edi Rama nuk po pranonte që qeverinë ta ndërtonte me Ilir Metën, por vetëm.
Nga ana tjetër kryeministri Rama dukej sikur i kishte bërë llogaritë më mirë, dukej sikur ishte gjithmonë një lëvizje përpara Metës në këtë ‘lojë shahu’. Që në fillim, Rama paralajmëroi se Meta do ta dekretonte Lleshin dhe kjo mbrëmë ndodhi. Natyrisht, Edi Rama nuk është magjistar, por mesa duket e njeh aq mirë Ilir Metën, sa ja parashikon çdo lëvizje.
Ilir Meta në fakt këtë radhë ishte lehtë i parashikueshëm sepse kishte shkelur Kushtetutën në të dyja këmbët dhe duhet të ishte një amator politik nëse nuk do ta dekretonte Lleshin.
Gjithësesi, me sjelljen që Meta tregoi në këtë rast, mund të themi se nuk mori asgjë dhe mazhoranca mori atë që deshti. Pavarsisht tentativës së Metës për tu bërë faktor, ftohtësia dhe qetësia e kreut të qeverisë doli fituese duke marrë në finale atë që deshti por dhe atë që në fund të fundit ja jep Kushtetuta.
Ilir Meta me sjelljen e treguar në rastin Lleshi tregoi se është po ai politikani klasik që kërcënon, kërkon pazare, ha inate personale, kërkon të jetë gjithmonë në tavolinën e pushtetit. Mirëpo, mesa duket këtë herë i ka hasur sërish sharra në gozhdë, ku duke u përballur me vendosmërinë e kryeministrit për të riçuar për dekretim të njëjtin emër, u bind se nuk kishte zgjidhje tjetër veç dekretimit dhe se vazhdimi i kësaj beteje veçsa do e dobësonte edhe më tej atë dhe partinë që ai ka themeluar 14 vjet më parë.
Thënë ndryshe, Ilir Meta është një lojtar shumë i mirë në pazaret politike, por është i dobët në politikën si shah. Kjo ndoshta sepse shahu ka rregulla, ndërsa pazaret jo. Këtë herë ishte shah dhe Meta u zu mat nga qetësia e kundërshtarit që krijoi vetë. Politikisht Ilir Meta humbi, ndërsa vendi fitoi duke patur sot një ministri të Brendshme tërësisht funksionale, siç SHBA dhe BE e kërkuan me ngulm. Marrë nga Lexo.al
Komente
Lajme të tjera
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58
bravo nje analize professionale bravo
PërgjigjuKa fitu ILIR META, SEPSE KA BA SIKUR KA DASHTË POR NË FUND KA FITU SHQIPERIA SEPSE SANDËR LLESHI DUKET I AFTË DHE I DREJTË. ME GJITH ATË TA SHOFIM SI DO TE PUNOJE.
PërgjigjuNuk do te jete mire per Shqiperine dhe shqiptaret,deri sa maten proceset Kush humbi e kush fitoi, Per shqiperine e shqiptarvet, do behet mire dhe proceset do te ecin ne interes te shtetit dhe populliut shqiptare,kur ato maten me barometrin, sa eshte e mire per shqiptaret e sa eshte mire per Shqiperine.
PërgjigjuAnalize shume e sakte Mete duhet ta kuptoje se populli per shume arsye eshte lodhur me kete qe nuk e ka provuar cdo te thote pune ,por vetem me allishverishe, prepotence e hequr si I forte ka pushtuar postet me te larta te pushtetit ne kohe rekord Me thoni nje dicka psh studim per ekonomine e vendit si specialist I kesaj fushe qe te jet dora e tij e te kete sjelle ndryshom !!!! zero zero vetem hidh fajin te tjereve per te perfituar per vete Fjala matet me pune
Përgjigju