Kush ishte Boran Bërçana, pistat hetimore që ka ngritur policia pas vrasjes

Të tjera detaje kanë dalë lidhur me Boran Berçanën, që u vra mëngjesin e sotëm në Shkodër. Detaje që lidhen me hetimet mbi vrasjen e dyfishtë dhe karrierën e ish-policit. 

Mister mbetet fakti, pasi sipas policisë arma nuk ka qenë me silenciator ndërsa asnjë prej fqinjëve apo banorëve të lagjes nuk ka raportuar për të shtënat.

Për zbardhjen e kësaj ngjarje policia ka marrë në pyetje të afërm dhe fqinj të viktimave, por ende nuk ka një të dyshuar konkret për këtë vrasje.

LEXO EDHE:
Dimri i vërtetë ka mbërritur! Orteqet e borës izolojnë Iballën në Fushë-Arrëz, prifti mbetet në rrugë! Vështirësi dhe në Shishtavec e Theth

Janë disa pista hetimore të ngritura për zbardhjen e ngjarjes dhe dinamikës së plotë. Një prej pistave të hetimit është ajo e ndonjë konflikti për shkak të detyrës që ka pasur Boran Berçana.

Por kush ishte Boran Bërçana?

30 vjeçari ka qenë pjesë e Policisë së Shtetit që prej vitit 2011 ku sëfundmi ka shërbyer në zonën e Fushë-Arrëzit si inspektor krimesh. Ai është larguar nga kjo detyrë në janar të këtij viti, 7 muaj më parë me dëshirën e tij dhe pa dhënë arsye. Ai punoi edhe në Dukagjin, zonë që është e njohur edhe për problematikën e kultivimit të kanabisit, por sipas burimeve nga grupi hetimor nuk është raportuar që ai të ketë pasur ndonjë problem në ushtrimin e detyrës.

Problemet familjare dhe ndonjë konflikt i çastit janë pistat e tjera që hetohen nga policia, kjo referuar edhe dëshmive. Nga blutë e Shkodrës, mësohet se deri në këto moment janë 20 persona të pyetur, ndërsa janë pyetur edhe ish-bashkëshortja e Berçanës, familjarë të tij dhe disa shokë.

TAG:
• vrasje
• Shkoder
• Boran Bercana
• Silvi Ndoci

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1507

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq