Në vitin 2006, Fadil Memës asokohe efektiv i Policisë Rrugore, iu bë një atentat në qytetin e Elbasanit, teksa një i ri i identifikuar si Florenc Capja, qëlloi disa herë me pistoletë në drejtim të tij. Memën e prekën dy plumba duke e lënë të plagosur, ndërsa ngjarja ndodhi në prani të familjarëve të efektivit të policisë, të cilët identifikuan edhe autorin. Fadil Mema u dërgua në spital dhe i mbijetoi plagëve të marrë, ndërsa autori i krimit dy orë pas ngjarjes u prangos nga policia.
Në atë kohë atentati u lidh me vrasjen e xhaxhait të atentatorit, 33-vjecarit Sokol Capja, i cili u ekzekutua në një atentat mafioz në vitin 2005 pranë hotel Universit, objekt në pronësi të viktimës.
Sokol Capja ishte një emër i njohur për policinë dhe organet e drejtësisë, pasi burime të pakonfirmuara në ato kohë pohonin se në vrasje ishte i përfshirë edhe ish-efektivi i policisë Fadil Mema.
Duke marrë shkas nga kjo nipi i Sokol Capjes, Florenci i sapokthyer nga Zvicrra ku punonte si emigrant ka finalizuar atentatin karshi Fadil Memës.
Ndërkohë përfshirja direkte e Fadil Memës në vrasjen e Sokol Capjes nuk u vërtetua asnjëherë nga organet e e drejtësisë, të cilët pohuan se në vrasje u përshinë tre persona që kanë lidhje farefisnore me Memën, por asgjë më shumë.
Fadil Mema ka pasur detyrën e Shefit të Qarkullimit në një periudhë 3-vjeçare si dhe ka shërbyer si oficer i Policisë Rrugore deri në vitet 2000. Mema ka filluar një aktivitet privat pas tërheqjes nga policia.
Redaksia Online
(Gre.M/Shqiptarja.com)
