POP 5

Lajmet më të lexuara të 5 minutave të fundit

Kush konsumon mbi 800 kWh në muaj, do e paguajë energjinë më shtrenjtë nga shtatori! Burime nga MIE: Në fokus të pasurit me vila! Harxhojnë më shumë

Qeveria e ka shtyrë për në shtator vendimin për të caktuar fashën e energjisë për konsumatorët familjarë. Mes dy shifrash 700 apo 800 kilovat, burime të sigurta nga ministria e Energjisë thonë se fasha që do përcaktohen do të jetë 800 kilovat.  Të gjithë konsumatorët familjar që konsumojnë deri në 800 kilovat do të paguajnë 9.5 lekë për kilovat, ndërsa ata që e kalojnë këtë fashë do të paguajnë më shumë.

Qeveria e ka shtyrë për në shtator vendimin për të caktuar fashën e energjisë për konsumatorët familjarë. Mes dy shifrash 700 apo 800 kilovat, burime të sigurta nga ministria e Energjisë thonë se fasha që do përcaktohen do të jetë 800 kilovat. Të gjithë konsumatorët familjar që konsumojnë deri në 800 kilovat do të paguajnë 9.5 lekë për kilovat, ndërsa ata që e kalojnë këtë fashë do të paguajnë më shumë.

Burime nga MIE, pohojnë që nga studimi që i është bërë konsumit të energjisë nga familjaret ka rezultuar se 800 kilovat është një kufi i mjaftueshëm për familjarët, për të përballuar nevojat e tyre. Ndërsa vendosja e fashës synon grupin e familjarëve që kanë vila, apo shtëpi private dhe që konsumojnë energji për të ndriçuar ambientet e jashtme, oborret, apo pishinat dhe që konsiderohen si familje të pasura.

Ende nuk është përcaktuar çmimi që do të paguajnë familjet që konsumojnë mbi 800 kilovat orë energji por një strategji që mund të përdoret është ajo e faturimit si biznes të tensionit të mesëm, që prej janarit paguajnë 18 lekë për kilovat.

Gjatë kohës që diskutohej fasha për 700 kilovat zëvendës ministri Ilir Bejtja pati sqaruar në Report TV, mënyrën se si do të bëhej faturimi nga ata që kalojnë fashën.

“1 terravat atyre që konsumojnë mbi 700 kilovat ne nuk do ua japim me 9.5 lekë, por do të bashkohet me energjinë që ne marrim nga importi, ky 1 terravat që kemi ne është me 2.6 lekë, ai që vjen nga importi mund të jetë me 30 lekë, çmimi i bashkuar del 33 lekë për kilovat pjesëtoje me 2 kilovat dhe del çmimi që do të paguajnë që do të jetë 16, 17 ose 18 lekë për kilovat. Do dalë aq sa i del sot biznesit të tensionit të mesëm”, pati sqaruar Bejtja me 27 prill 2022.

Fasha e energjisë pritet të vendoset pasi prodhimi vendas nuk mbulon nevojat që ka Shqipëria për konsum, ndërkohë që çmimi i importit ka arritur në vlera rekord, ku gjatë kësaj jave që po lëmë pas një megavat arriti në vlerën e 360 eurove, duke kapërcyer parashikimet e institucioneve vendase dhe te huaja që prisnin që situata të stabilizohej përpara qershorit.

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • jorgo: 03/07/2022 09:21

    seicili duhet te paguaje ate qe harxhon me te njejtin cmim. gjith keto lojra jo me shum se kaq jo me pak se kaq jane abuzime me popullin sic eshte taksa progresive qe eshte e padrejte dhe e shemtuar pasi favorizon dembelizmin dhe socializmin

    Përgjigju
    • ILLYRIAN: 03/07/2022 10:29

      Qenke rehat me leke ti. Harxho pak kohe dhe vizito familjet e varfra edhe shiko gjendjen e tyre. Ti thu me u pagu njisoj, po nuk jane njisoj. Taksa progresive eshte per te mbrojtur ate shtrese dhe eshte e domosdoshme. Nuk shkakton dembelizem social, po vendos deri diku drejtesi, ne kete bote te padrejte.

  • Iris: 03/07/2022 03:22

    Pagesa e energjise duhet bere ne baze te harxhimit,por duhet te dihen sa i ka te ardhurat vjetore,i zoti,pas kesaj mund te vendoset nese duhet t'a paguaj te tere faturen ose jo.

    Përgjigju
  • Hako: 02/07/2022 17:45

    Te gjitha i morem vesh, qarte dhe paster.Por, na sqaroni si dona mbroni nga faturat abuzive??? sepse deri tani nuk kemi arritur qe te marrim te drejten tone (e kam fjalen per popullin e thjeshte,vegjeline)

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Assad rrezikon gjykimin për krime ndaj njerëzimit në Gjykatën Penale Ndërkombëtare

Assad rrezikon gjykimin për krime ndaj njerëzimit në Gjykatën Penale Ndërkombëtare

25 Dhjetor, 14:16