Kushtetuesja rrëzoi Bordin e Ushqimeve, Sula: U shfuqizua një ligj abuziv që fuste dorën në xhep të qytetarëve

Deputeti i Partisë Demokratikë Dashnor Sula ka reaguar në lidhje me vendimin e Gjykatës Kushtetuese për të rrëzuar Bordin për Transparencën dhe Monitorimin e Çmimeve të ushqimeve. Sula thotë se u shfuqizuar në ligj abuziv që fuste dorën në xhep të qytetarëve.

‘Qeveria kapet me ‘presh në dore’ me bordin hajdut. Më në fund një lajm i mirë për qytetarët shqiptarë. Gjykata Kushtetuese na dha të drejtë ne, grupit Parlamentar të PD dhe rrëzoi Bordin e Vendosjes së Çmimeve. Unë dhe gjithë grupi ynë i opozitës e kemi kundërshtuar qysh prej fillimit ngritjen e një bordi të tillë i cili nuk u erdhi në ndihmë qytetarëve, por grosistëve. Ndaj së bashku me kolegët e mi vendosëm ta godisnim në Gjykatën Kushtetuese. Sot trupa gjykuese na dha të drejtë dhe shfuqizoi ligjin abuziv që u fuste dorën në xhep qytetarëve cdo ditë duke vendosur cmime në favor të grosistëve. Tani qeveria duhet tu kthejë paratë e marra në mënyrë të padrejtë me çmimet e vendosura nga bordet qytetarëve. Ndërkohë inkurajojë Gjykatën Kushtetuese të procedojë me shpejtësi edhe me ankimimin që kam bërë së bashku me kolegët e mi për bordin që vendos çmimin e naftës.’- shkruan Sula.

LEXO EDHE:
PD: Të shpallen muzë kombëtar kampi i të Burgosurve në Spaç dhe kampi i internimit Tela me Gjemba në Tepelenë

Lajmi kryesor:

Gjykata Kushtetuese rrëzon Bordin e Transparencës për çmimet e shportës: Nuk plotësohen kriteret për një Akt Normativ me fuqinë e ligjit

M.Q./Shqiptarja.com

TAG:
• gjykata kushtetuese
• Bordi i Ushqimeve
• bordi i transparences
• PD