Kushtetuesja rrëzoi bordin për çmimin e ushqimeve, Tabaku: Fillim i mirë edhe për shkrirjen e Bordit të karburanteve, kënaq vetëm interesat e oligarkëve

Deputetja demokrate Jorida Tabaku ka reaguar pas vendimit të Gjykatës Kushtetuese për rrëzimin e Bordit të Transparencës për çmimet. Tabaku shkruan se ky vendim shpëtoi shqiptarët nga bordet socialiste dhe se ai ishte ngritur në mënyrë anti-kushtetuese. Tabaku thotë se ky vendim i hap rrugë edhe rrëzimit të Bordit të karburanteve, i cili kënaq vetëm interesat e oligarkëve.

“Gjykata Kushtetuese shpëton shqiptarët nga bordet socialiste dhe i jep të drejtë grupit parlamentar të PD! Bordi çmimeve të ushqimeve është antikushtetues! Një tjetër betejë e fituar nga Grupi Parlamentar i PD që dërgoi ne GJK Bordin e Çmimit të Ushqimeve! Bordi komunist, që në periudhë krize ka vendosur çmime abuzive në kurriz të xhepave të shqiptarëve duke rritur me të paktën 30% çmimet e shportës dhe duke bërë biznes me krizën e shqiptarëve, tanimë është nul!

Shpresoj shumë që ky të jetë një fillim i mirë dhe për vendimin e bordin e karburanteve. Politika në ndihmë të qytetarëve është pikërisht kjo! Pasi kjo e sotmja është një fitore mbi të gjitha e shqiptarëve që përtej bindjeve politike do të çlirohen nga një bord komunist dhe antikushtetues. Bordi Socialist tanimë duhet shkrirë! Ndërsa qytetarët presin të merret vendimi mbi Bordin e Karburanteve që penalizon shqiptarët dhe kënaq oligarkët

LEXO EDHE:
'Padi në Gjykatë Kushtetuese', Ina Zhupa: Ndryshimet ligjore për Akademinë e Shkencave antikushtetuese

Lajmi kryesor:

Gjykata Kushtetuese rrëzon Bordin e Transparencës për çmimet e shportës: Nuk plotësohen kriteret për një Akt Normativ me fuqinë e ligjit

SI.E./Shqiptarja.com

TAG:
• gjykata kushtetuese
• Bordi i Ushqimeve
• bordi i transparences
• PD