POP 5

Lajmet më të lexuara të 5 minutave të fundit

Sociale

Kushtoi 1 milionë euro, pamja e re e 'Torrës Veneciane' në Durrës! Pas restaurimit kthehet në qendër dixhitale

Katër objekte arkeologjike janë restauruar në Durrës, pas dëmeve që pësuan nga tërmeti. Mes tyre është Torra Veneciane në qendër të qytetit e cila kushtoi plot 1 milionë euro. Alban Ramohito, Drejtori i Kulturës në Durrës bën me dije se Torra Veneciane tashmë sherben si qendër dixhitale për informimin e turistëve.

Deri në vitin 2019, Torra Veneciane ishte bar-kafe ku konsumohej alkool, ndërsa sot është një qendër multimediale që terheq vemendjen e turistëve.  “Torra” u ofron vizitorëve mundësinë për të eksploruar ngjarje dhe vende historike përmes pajisjeve dixhitale, si kufjet VR, periskopët dixhitalë, projeksionet multimediale në kubenë e kullës. Ketu turistët mund të marrin informacion për të gjitha objektet e trashëgimisë në qytetin antik të Durrësit.

“Ky objekt është rikonstruktuar pas termetit. Është risi pasi tek Torra ofrojmë nëpërmjet teknologjisë informacion për objektet e trashëgimisë, pra për gjithcka që mund të vizitojnë në Durrës”, tha Alban Ramohitaj, Drejtori i Kultures në Durrës.

Ky monument historik, simbol i qytetit të Durrësit u restaurua me fondet e BE-së, zbatuar nga UNOPS. Punimet kushtun 700,000 euro ndërsa zhvillimi i përmbajtjes multimediale përfshiu një shpenzim shtesë prej 300,000 euro.

Por përpos Torrës, turistët do të kenë mundësi të vizitojnë këtë vere dhe Hamamin e Durrësit, punimet për restaurimin e të cilit janë drejt fundit.

“Deri tani janë restauruar kalaja e Ishmit, Kisha e Kepit të Rodonit, muri rrethues i qytetit, Kulla C dhe shumë shpejt mbaron Hamami i Durrësit, i cili nuk ka qenë më parë i vizitueshem. Për sezonin veror do e kemi gati edhe Hamamin”, tha më tej Alban Ramohitaj, Drejtori i Kultures.

Pjesë e Kalasë Bizantine të Durrësit, Torra Veneciane është kulla rrethore në qendër të qytetit, e ndërtuar në shekullin e 15-të mbi kullën ekzistuese Bizantine.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29