POP 5

Lajmet më të lexuara të 5 minutave të fundit

Politikë

Kushtoi 100 milionë lekë, për 6 muaj çahet asfalti! Dëmtohet rruga e Njësisë Luftijnë në Memaliaj, banorët: Kompania ‘Alb-Star’ punime pa cilësi

Rruga e Luftinjës në Memaliaj e rikonstruktuar 6 muaj më parë është dëmtuar plotësisht për shkak të punimeve pa cilësi të kompanisë "Alb-Star". Financues është Fondi Shqiptar i Zhvillimit i cili deklaron se janë konstatuar disa probleme që do të riparohen nga kompania private. Ndjekim shqetësimet e banorëve për aks 15 kilometra që kushtoi  100 milionë lek dhe u ndërtua pa asnjë standard

Rruga e njësisë vendore Luftinje në Bashkinë e Memaliaj është dëmtuar vetëm 6 muaj pas rikonstruksionit. Fondi Shqiptar i Zhvillimit financoi projektin me vlerë afro 100 milionë lekë dhe punimet janë kryer nga kompania e ndërtimit "Alb-Star".

Aksi rural që lidh Memaliajn me njësitë administrative Luftinjë dhe Buz është i gjatë 15 km dhe në të është punuar me cilësi të dobët shprehen banorët.

‘Rruga ka shumë probleme është çarë. Marrin një solucion ua hedhin të çarave.’ -tha një banor.

‘Rruga është çarë e tëra. Nuk e mbushën me çakël, por me dhe. U thonim por ç’bëni, na thoni ska nevojë.  Le ish-puseta që derdheshin.’- tha një tjetër.

‘Këtu qëkur e ka bërë sistemi Enver Hoxhës hodhi një llustër dhe shkoi tani pse mos ta bësh dykalimshme.’- tha një tjetër.

‘E kanë ngushtuar fare, e duam siç ka qenë. Është bërë shumë e ngushtë dhe e kanë lënë pjesërisht pa rregulluar. U kanë hedhur një shtresë zhavorrr.’- tha një banor.

‘Atje nuk këmbehen dot dy makina. Aty ndërroheshim makina. Ka korrupsion nga kompania, që të bësh atë punë. Është shumë e ngushtë. Projektin nuk e dimë, por e ngushtë është.’- u shprehën banorët.

Siç shihet dhe në pamje, rruga ka dëmtime të shumta në gjithë gjatësinë e saj. Ndërsa segmenti i fundit prej afro 3 kilometra ka mbetur pa përfunduar nga kompania Alb-Star.

Mungesa e cilësisë së punimeve u vërtetua gjatë muajve të dimrit ku rruga ka pësuar dëmtime të shumta në asfalt dhe bankina.

Fondi Shqiptar i Zhvillimit në përgjigje të kërkesës së Report Tv për informacion deklaron se pas verifikime në terren janë konstatuar disa probleme, si çarje në asfalt dhe dëmtime të bankinave.

"Në segmentin e dytë me gjatësi 3 km janë evidentuar disa çarje të holla të cilat aktualisht janë trajtuar me bitum", thotë FSHZH. Po kështu edhe segmenti i katër ka pasur çarje të asfaltit.  "Bazuar në Marrëveshjen e Investimit që Fondi Shqiptar i Zhvillimit nënshkruan me Njësitë Vendore, ky aks është ende në proces kolaudimi", thuhet reagimin e Fondit Shqiptar të Zhvillimit.

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça