Kutitë për zgjedhjet e PD të
marra nga KQZ, ja kosto e tyre

TIRANE - Të 200 kutitë që u përdorën për zgjedhjet e kreut të Partisë Demokratike janë pikërisht kutitë rezervë që janë përdorur në zgjedhjet vendore të 2011. Kutitë janë marrë me një procedurë të rregullt ligjore nëpërmjet një kërkese në KQZ. Kutitë mësohet se janë marrë vetëm pak ditë para fillimit të procesit të votimit në gjithë vendin për zgjedhjen e kryedemokratit të ri.

Në të njëjtën kohë nga KQZ janë marrë edhe kodet e sigurisë që janë përdorur për të mbyllur kutitë, kode këto që kanë qenë rezervë në Komisionin Qendror të Zgjedhjeve. 500 kutitë që u përdorën për zgjedhjet vendore të 2011 kushtuan plotë 18.3 milionë lekë, kuti këto që ishin të reja.

Ndërkohë që dhe kodet e sigurisë kanë kushtuar shumë lekë. Nga zgjedhjet që u mbajtën në datën 22 korrik, doli fitues Lulzim Basha, kandidati përballë Sokol Olldashit. Në përgjithësi të gjitha zgjedhjet në vend kanë kushtuar shumë, shuma të lekëve të cilat kanë renduar mbi buxhetin e shtetit. Gjithësesi këti kuti do të rikthehen sërish nëse ato do të jenë të padëmtuara, pasi do të jenë të vlefshme për procese zgjedhore të tjera.

Shkrimi u botua sot në gazetën Shqiptarja.com (print) 24.07.2013
 
Redaksia Online
(b.m/shqiptarja.com)

TAG:
• kqz