Tirane- Plot 100 milionë euro kanë dalë nga xhepat e qytetarëve dhe bizneseve shqiptare, në 11 vite, për të paguar dy koncesionet e qeverisë Berisha, atë të pullave fiskale për mallrat e akcizës dhe atë të markimit të karburanteve. Faturë kjo si rezultat i çmimeve të larta të këtyre shërbimeve.
“Koncesioni i Pullave fiskale i kushtonte qytetarëve, 4 milionë euro në vit, në 11 vjet bëjnë 44 milionë euro. Ky i markimit të karburanteve, i ka kushtuar shqiptarëve 5 milionë euro në vit, ose 55 milionë euro në 11 vite. Së bashku bëjnë 100 milionë euro”, tha Braçe.
Teksa prezantoi projektligjin për akcizat në Kuvend ku parashikohet heqja e koncesionit të pullave fiskale, shërbim që nga vitit i ardhshëm do e ofrojë shtypshkronja e letrave me vlerë Ministri i Financave Ervin Mete, e vuri theksin tek ulja e tarifave për karburantin.
“Duke qenë se ky koncesion përfundon në 31 dhjetor të këtij viti dhe do t’i kalojë shtetit, janë bërë ndryshimet e nevojshme që si koncesionari, si edhe procedurat që lidhen me të, të hiqen nga ky ligj dhe të theksohet që pullat fiskale janë tashmë monopol shtetëror dhe Këshilli i Ministrave do të përcaktojë një person juridik publik të autorizuar për prodhimin dhe shpërndarjen e pullave fiskale, si dhe elementët e sigurisë së tyre, e një sërë nenesh të tjera me të njëjtin qëllim”, informoi Mete.
Mete bëri të ditur se në dhjetor të vitit të kaluar pranë Ministrisë së Financave është ngritur një grup i gjerë pune, përfshirë edhe Avokaturën e Shtetit, për të menaxhuar procesin e daljes.
“Është përcaktuar një menaxher daljeje dhe një bord për menaxhimin e këtij procesi, i cili përfundon në 31 dhjetor të këtij viti. Nga analiza e akteve ligjore ka lindur e nevojshme të ndryshohet edhe ligji i akcizave për të hequr koncesionarin dhe procedurat e koncesionarit nga ligji. Do të jetë Shtypshkronja e Letrave me Vlerë personi juridik publik në pronësi të shtetit, i cili do të realizojë këtë shërbim në të ardhmen, që e ka pasur të drejtën ligjore për ofrimin e shërbimit përpara se të jepej me koncesion”, u shpreh Mete.
Në të njëjtën kohë, Mete informoi se në muajin gusht përfundon koncesioni i markimit te karburanteve dhe shërbimi kalon tek Drejtoria e Përgjithshme e Doganave.
“Në momentin që ky koncesion do të përfundojë, në kemi vendosur që edhe tarifa e aplikuar nga koncesionari të hiqet. Pra, nuk do të ketë vazhdim të aplikimit të tarifës së markimit tek qytetarët dhe bizneset. Kostot e vazhdimit të shërbimit do të përballohen nga buxheti i shtetit”, theksoi ai
Braçe nga ana e tij bëri me faj qeverinë Berisha e cila firmosi dhënien e këtyre dy kontratave koncesionare për të cilën qytetarët paguan 100 mln euro dhe tani, 12 vite më pas, me mbarimin e kontratës qeveria nuk ka asgjë për të marrë në dorëzim.
Kam kërkuar KLSh që të monitoronte zbatimin e kontratave. Nuk ka fatura që të provojnë investimin. Dhe 66 % e velerës së investimit parashikuar në kontratë është deklaruar si e kryer. Pra pasi na kanë marrë 55 milionë euro tani nuk po na lënë asgjë, sepse markimi i karburantit bëhej me dorë e shkundje të autobotit dhe ne nuk kemi asgjë për të marrë në dorëzim.
E njëjta histori është dhe tek pullat fiskale. Ka pasur detyrimin kontraktual të ndërtonte një sistem gjurmimi që të dinim që mallin e akcizës që është markuar me pullë ku shkon e ta kontrollonim qarkullimin e tij. Asnjëra as tjetra nuk ka ndodhur. Ama ka ndodhur që qytetarët kanë paguar 100 mln euro për koncesione. Të dyja këto koncesione mbarojnë këtu e merren përsipër nga qeveria. Sic kishim thënë në 2012, që janë shërbime që duhet të ofrohen nga qeveria sa kohë që kanë të bëjnë me mirëadministrimin e produkteve të akcizës dhe karburantit e përfitues të ishte qeveria. Për markimin nuk do të ketë më kosto për litër, kurse për pullat fiskale do të ketë zbritje të çmimit.
Propozoi dhe për pullë dixhitale
Që ka 2012 deri dje ka qenë pulla më e shtrenjtë e aplikuar në të gjithë botën. Patjetër që shërbimi duhet të modernizohet. Të shkojmë drejt një pulle dixhitale që të jetë më pak e kushtueshme dhe më e kontrollueshme.
Koncesioni i pullave fiskale është miratuar në 2011 dhe erdhi si një propozim i pakërkuar nga shoqëritë koncesionare “Sicpa Security Solutions”, SA e “Sicpa Security Solutions” Albania, sh.p.k.
Ndërsa në vitin 2012 u miratua kontrata koncesionare e pa kërkuar për markimin e karburanteve me afat 10 vjeçar. Aktualisht me këtë koncesion qytetarët kanë paguar 2 lekë për çdo litër naftë si tarifë markimit.
Në kuvend diskutohet sot Projektligj “Për disa ndryshime në ligjin nr. 61/2012 “Për akcizat në Republikën e Shqipërisë”, i ndryshuar.
Komente
Lajme të tjera
-
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48 -
'Antikorrupsioni'/ Drejtori i Hetimit të Krimit Ekonomik: Kriptovalutat po përdoren për fshehjen e parave! Zv.Ministri i Drejtësisë dhe Mbikqyrësi në BSH: Paratë pastrohen nga sasia e lartë e cash
15 Nëntor, 12:08 -
Zhvendoset në Kuvend debati për Komisionin Hetimor të Shëndetësisë, i mbaron afati! PD: Shtyjeni 3 javë! PS: Teatër
14 Nëntor, 09:13 -
VIDEOLAJM/ Dy ditë peng për dëshminë, Beqaj pret në Kuvend me duar në xhepa! Porosit kafe
14 Nëntor, 00:28 -
'Dezinformimi nga shtetet armiqësore!' Braçe: Në Kuvend ka ardhur një listë e gjatë e mediave online e tradicionale që bien pre apo vihen në dispozicion
13 Nëntor, 17:47
-
Komisioni i Dezinformimit/ Kryetarja e SHISH: Ndërhyrjet malinje nga vendet armiqësore po amplifikohen nga platformat online, financim e rekrutime në portale
13 Nëntor, 11:47 -
'Hetimori' i Shëndetësisë 16 orë mbledhje maratonë, bllokohet sërish dëshmia e Ilir Beqajt për 'sterilizimin'! Dy ditë peng i debateve PS - PD, s'ka konsensus për shtyrjen e afatit
13 Nëntor, 07:25 -
PD protestë ditën e miratimit të buxhetit 2025 në Kuvend, zbardhet mesazhi dërguar kryetarëve të degëve
12 Nëntor, 20:25 -
PD propozon ndryshime në rregullore e Kuvendit: Deputetët të deklarojnë nëse kanë përdorur aplikacionet ‘SkyECC' dhe 'EncroChat'
11 Nëntor, 18:26 -
‘Harrohet’ sigurimi i detyrueshëm i banesës! Cila është skema e re që propozojnë socialistët? Primi i sigurimit të zbritet nga të ardhurat vjetore të qytetarëve
9 Nëntor, 20:44
-
Qindra portale 'fantazmë' në Shqipëri, Braçe: Dezinformojnë! Duhet një regjistër me çdo të dhënë të tyre
6 Nëntor, 15:29
Kini kujdes se mos ulni çmimin e karburantit sepse jemi kampio me çmimet më të larta dhe cilësi më të ulët në rajon,nuk krahasimi as me një vend dhe ky është një turp por kur nuk ke opozitë të gjitha priten,bjerini këtij populli....
PërgjigjuVetem Euros i ulet vlera or teeeejjjjj