Kuvendi i Kosovës sot ka mbajtur seancë solemne në përkujtim të 31-vjetorit të miratimit të Deklaratës Kushtetuese të 2 Korrikut 1990, e cila e shpallte vendin të pavarur.
Deputetët e Parlamentit të Kosovës u mblodhën së bashku me shumë ish-delegatë të Kuvendit të Kosovës të vitit 1990, të cilët kishin bërë shpalljen e Deklaratës Kushtetuese, më 2 korrik të vitit 1990.
Kryetari i Kuvendit, Glauk Konjufca, e cilësoi veprimin e delegatëve të asaj kohe si një ndër më të guximshmit në histori.
“Ky ishte akti më i rëndësishëm e më i guximshëm i përfaqësuesve të popullit qysh pas Konferencës së Bujanit. Pikërisht para dyerve të Kuvendit të sotëm, delegatët e atëhershëm e votuan Deklaratën e 2 korrikut, të cilën e lexoi Muharrem Shabani”, tha Konjufca.
Me këtë rast, pas seancës në objektin e Kuvendit është shpalosur edhe një pllakë në përkujtim të kësaj dite. Kryetari i Kuvendit, Glauk Konjufca tha se këtë pllakat po e vendosin në nderim të të gjithë atyre që ishin nënshkrues të deklaratës.
“Këtu, më 2 korrik 1990, delegatët e Kuvendit të Kosovës, në përfaqësim të vullnetit të popullit, miratuan Deklaratën Kushtetuese dhe e shpallën Kosovën Republikë”, ka shkruar ai në rrjetin e tij social Facebook.
Ndërsa, ish-kryetari i Kuvendit, nënshkrues i deklaratës së 2 Korrikut të vitit 1990, Iljaz Ramajli ka kujtuar përpjekjet e atij brezi për liri dhe pavarësi.
Ai ka thënë se ngjarjet e mëvonshme që kanë ndodhur në Kosovë dhe ish-Jugosllavi kanë dëshmuar se delegatët e 2 korrikut dhe 7 shtatorit kishin të drejtë.
Delegatët e atëhershëm të Kuvendit të Kosovës, më 2 korrik të vitit 1990, miratuan publikisht Deklaratën Kushtetuese, me të cilën Kosova u shpall e pavarur dhe dy muaj pas shpalljes së Deklaratës Kushtetuese, më 7 shtator të vitit 1990, në Kaçanik u miratua Kushtetuta e Republikës së Kosovës, e njohur si Kushtetuta e Kaçanikut.
Lajme të tjera
-
Deklarata e përbashkët e Kuvendeve Kosovë-Shqipëri: Dënohen sulmet në veri, thirrje Serbisë t’i dorëzojë autorët
20 Dhjetor, 16:58 -
Kryetari i Kuvendit të Kosovës bëhet baba për herë të tretë, zbulon emrin e veçantë të vajzës
18 Dhjetor, 13:34 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Demush Shasha: Testi i vitit 2025
12 Dhjetor, 08:54
-
Zgjedhjet e 9 shkurtit në Kosovë/ Vetëvendosja dorëzon në KQZ listën me 110 kandidatët për deputetë, Kurti i pari në renditje
12 Dhjetor, 08:35 -
Bislimi akuzon Serbinë se po tenton të ndalë ndihmën e Kosovës për bujqit shqiptarë në Luginën e Preshevës
10 Dhjetor, 21:16 -
Sveçla: Pjesëtarë të Listës Serbe janë të përfshirë në trazira të vazhdueshme në veri
10 Dhjetor, 16:31 -
Këshillit të BE-së i kërkohet që ta shqyrtojë aplikimin e Kosovës për anëtarësim
10 Dhjetor, 16:11 -
Serbia dënon një shtetas të Kosovës me 6 vjet burg për krime lufte, reagon kryetari i Kuvendit të Kosovës
6 Dhjetor, 16:03 -
Kosovë/ Deputetët e Vetëvendosjes pengojnë deputetët serbë të hyjnë në Kuvend, Konjufca ndërpret seancën
5 Dhjetor, 15:53 -
Zyrtare/ UEFA i dha fitoren në tavolinë Rumanisë, FFK ankohet në CAS për racizmin e Bukureshtit: Kosova kërkon të drejtën që meriton
5 Dhjetor, 11:40
