Kuvendi, shumica vendos datën kur do të rivotojë ligjin për Teatrin që ktheu Presidenti

TIRANE-Kuvendi i Shqipërisë do të nisë punimet për sesionin e ri në datë 3 shtator. Ky sesion pritet që të jetë mjaft i nxehtë, pasi përpara janë disa nisma nga qeveria, që kundërshtohen nga opozita, ndërsa pritet që të dominohet edhe nga retorika e fortë politike, pasi në qershor të 2019 janë zgjedhjet lokale.

Debati i ndërprerë në qershor nga sesioni i kaluar, pritet që të nisë që në javët e para të shtatorit, pasi shumica ka planifikuar që të fusë në rivotim menjëherë dekretin e Presidentit për ligjin e Teatrit Kombëtar.

Shumica ka planifikuar që në datë 13 shtator të rivotohet ligji për shembjen e Teatrit Kombëtar, por zyrtarisht data do të vendoset në seancën e ditës së hënë kur do të miratohet kalendari i punimeve.

LEXO EDHE:
Filloi punimet 'Forumi Ndërparlamentar i Evropës Juglindore të Asamblesë Parlamentare të OSBE-së' 

Mes kundërshtimit të fortë nga opozita, ligji u miratua nga shumica në fillim të korrikut, por Presidenti e ktheu për rishqyrtim, ndërsa shumica ka paralajmëruar se do ta rivotojë menjëherë pa asnjë ndryshim.

Kujtojmë që kryebashkiaku Erion Veliaj arriti marrëveshjen me artistët, ndërsa Teatri i ri parashikohet që të ndërtohet mbi rrënojat e të vjetrit me Partneritet Publik Privat.

TAG:
• teatri kombetar
• kuvendi

Sondazhi i ditës:

A ka politika frikë nga SPAK-u?

• Po

  68.7%

• Jo

  26.4%

• Nuk e di

  5%

Vota total: 4072

• Sondazhi i ditës:

  A ka politika frikë nga SPAK-u?

  Po Jo Nuk e di