POP 5

Lajmet më të lexuara të 5 minutave të fundit

Arkiva

KVV: Procesi zgjedhor u shkel
pranimi i rezultatit s'e bën ligjo

Koalicioni i Vëzhguesve Vendorë ka dalë sot në konkluzionin se procesi zgjedhor në Shqipëri ka shkelur ligjshmërinë, pavarësisht dakortësisë që kanë rënë ndërmjet tyre, forcat politike.
TIRANË – Koalicioni i Vëzhguesve Vendorë ka dalë sot në konkluzionin se procesi zgjedhor në Shqipëri ka shkelur ligjshmërinë, pavarësisht dakortësisë që kanë rënë ndërmjet tyre, forcat politike: në kushtet kur zgjedhjet kanë përfunduar dhe duhet bërë shpërndarja e mandateve, Kodi Zgjedhor ia ngarkon vetëm KQZ-së vendimarrjen për shpërndarjen e tyre dhe nuk përcakton institucion tjetër. Nga ana tjetër, KQZ-ja ende nuk ka nxjerrë rezultatet për tri qarqe: Tiranën, Gjirokastrën dhe Lezhën.

“Zgjedhjet e 23 qershorit i siguruan vetes legjitimitet, por ky legjitimitet nuk duhet të përdoret si argument për cenimin e procesit,” – deklaroi sot Gerta Meta, përfaqësuese e KVV-së.
  
Në një konferencë për shtyp, bashkëdrejtuesit e Koalicionit Premti Goga, Gerta Meta dhe Raimonda Prifti vërejtën se “KVV-ja i konsideron dy elemente si shumë të rëndësishëm për t’u marrë në konsideratë: Të parin, ndarjen e mandateve të dala nga 23 qershori, në një kohë kur KQZ-ja vazhdon të mos ketë numrin e duhur të anëtarëve për finalizimin e procesit zgjedhor.

Kodi Zgjedhor ia ngarkon vetëm KQZ-së vendimarrjen për shpërndarjen e mandateve dhe nuk përcakton institucion tjetër. Kodi Zgjedhor e përcakton Kolegjin si trupë gjyqësore të përkohshme, si shkallë e dytë gjykimi.  Nisur nga ky argumentim, Kolegji nuk mund të bëjë ndarjen e mandateve. Çdo vendim i tillë cenon procesin. Zgjedhjet e 23 qershorit i siguruan vetes legjitimitet, por ky legjitimitet nuk duhet të përdoret si argument për cenimin e procesit.  
 
Elementi i dytë është vëmendja që i duhet kushtuar Kodit Zgjedhor duke marrë shembull këto zgjedhje. KVV tërheq vëmendjen se legjitimiteti i siguruar nga dakortësia politike nuk duhet të bëhet arsye për shkeljen e procesit.”

Përfaqësuesit e KVV-së shtuan gjithashtu se "e drejta e ankimit e subjekteve politike është një garanci për vetë procesin. Por, ankime nuk pati, pavarësisht se vetëm votimi familjar u konstatua në 33.6% të qendrave të votimit. Por, prej datës së zgjedhjeve e deri në prag të çertifikimit janë pretenduar pak raste për parregullsi.KVV-ja e ka ndjekur nga afër dhe ka parë se KQZ-ja dhe Kolegji u prononcuan në fare pak raste për ankimime që nuk e prekin procesin. Po ashtu," - përfunduan ata, - "vendimarrja e deritanishme e KQZ-së është për 9 qarqe, ndërkohë që kanë mbetur ende edhe 3 qarqe, si Tirana, Gjirokastra dhe Lezha që priten të çertifikohen në javët e ardhshme.

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40