SHKODËR- Pas deklaratave të një ditë më parë për rritjen e tarifës për mbetjet që depozitohen në landfillin e Bushatit, dy kamionë u ndaluan të depozitonin mbeturinat rreth orës 16:00.
Sipas drejtuesve të firmës, kamionët nuk kanë nënshtruar kontratën e re me çmimin e ri për depozitimin e mbetjeve. Gazetari i Report Tv, Ergys Kavaja raporton se në orët në vijim pritet që në landfill të mbërrijnë dhe mjete të tjera, çka pritet të sjellë një situatë anormale sa i takon pastrimit të qytetit të Shkodrës.
Ky vendim nuk është vetëm për bashkinë e Shkodrës, por edhe për atë të Lezhës. Kryebashkiakja Ademi kundërshtoi një ditë më parë rritjen e çmimit për depozitimin e mbetjeve, teksa nga Bashkia e Lezhës nuk ka asnjë reagim. Mësohet se për këtë rritje të çmimeve dhe këtë problematikë, janë informuar edhe institucionet qendrore, ministria e infrastrukturës.
Këshilli Bashkiak i Vaut të Dejës votoi rritjen e tarifës së përpunimit të mbetjeve urbane në landfillin e Bushatit. Shoqëria nderkomunale Bushat kërkoi një rritje e pagesës me 43 % të tarifës së depozitimit të mbetjeve urbane në këtë landfill, nga 863 lekë në 1500 lekë për ton mbetje të depozituar dhe tarifa e re pritet të aplikohet në fillim të 2021 për bashkinë e Shkodrës dhe të Lezhës. Kjo për kryebashkiaken Ademi do të thotë një kosto shtesë prej 26 milionë lekë të reja në vit, peshë për banorët dhe bizneset, prandaj kërkoi ndërhyrjen e Ministrisë së Infrastrukturës.
Kryetarja e Bashkisë së Shkodrë, Voltana Ademi ka mbërritur pasditen e kësaj të mërkure në landfillin e Bushatit pranë 2 kompanive që nuk u lejuan të depozitonin mbetjet. Ajo tha se kjo situatë do të sjellë katastrofë mjedisore nëse institucionet nuk ndërhyjnë.
"Jemi para një katastrofë mjedisore, institucionet duhet të ndërhyjnë. Kam vënë në dijeni edhe ministrin Klosi për këtë çështje. Mjetet janë bllokuar sonte dhe situata është e rëndë, e gjithë bashkia Shkodër pa shërbim pastrimi. Prefektja të mbledh palët dhe të gjejë zgjidhjen e shpejtë. E njëjta situatë edhe në bashkinë Lezhë", tha Ademi.
Lajme të tjera
-
Nga Piemonti në Shkodër, pensionistët italianë: Hoqëm dorë nga gjithçka sepse jeta këtu kushton shumë më pak
25 Nëntor, 09:07
-
Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë
24 Nëntor, 10:00 -
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33 -
Studimi në Shkodër: Afro 20 për qind e nxënësve bullizohen në shkollë! Shqetësim dhe mungesa e oficerëve të sigurisë
21 Nëntor, 16:16
