Ka qenë një mosmarrëveshje mes familjeve me origjinë shqiptare shkaku i përfundimit të një përleshjeje të dhunshme në tragjedi, mbrëmjen e së mërkurës në Tavullia (7 Gusht), në provincën e Pesaro Urbinos.
Gjatë një debati të fortë, Dritan Idrizi, 38 vjeç, u godit me thikë për vdekje tre herë në gjoks, teksa një nga plagët për fat të keq ishte në pjesën e zemrës. Pavarësisht përpjekjeve të dëshpëruara për ta shpëtuar në spitalin Cattolica, i riu, baba i një vajze të mitur, humbi jetën për shkak të tre goditjeve fatale.
Arrestohet autori
Policia Italiane ka arrestuar autorin e dyshuar, Artur Cerria, bëjnë të ditur mediat italiane. Në pranga kanë rënë dhe2 familjarë. Në dëshminë e tij autori ka pranuar krimin por ka thënë se e ka goditur me thikë viktimën në bark për tu mbrojtur vetë dhe familjen e tij, gruan dhe djalin.
Media italiane “ADN24”, shkruan se përleshja shpërtheu përgjatë rrugës që lidh Tavullia me San Giovanni në Marignano, ku Idrizi, që më herët ka mbajtur edhe mbiemër tjetër (Dritan Xhepexhiu), i shoqëruar nga shokë të armatosur me shkopinj dhe hekura, kishte shkuar për të zgjidhur një mosmarrëveshje financiare prej 5000 eurosh, lidhur për punët e ndërtimit. Por situata degjeneroi shpejt, duke i lënë vendin goditjeve, grushteve, përdorimit të armëve të ftohta dhe mjeteve të forta, si me çekiç e shkopinj.
Autori ka përfituar nga një moment, duke kapur një thikë dhe sulmuar viktimën.
“Përveç Idrizit, gjatë përleshjes raportohet se kanë mbetur të plagosur edhe tre persona të tjerë, me prognozë deri në 40 ditë”, raportuan mediat e vendit fqinj.
Fillimisht, sipas dinamikës së krimit referuar hetimeve paraprake, ka qenë një nga anëtarët e grupit të të ndjerit që ka sulmuar një grua të familjes ku po kërkohej borxhi. Dyshohet se ajo është goditur me çekiç në kokë. Më pas një person i armatosur me thikë ka goditur Idrizin tre herë në gjoks.
Viktima me precedentë penalë
Viktima më herët ka pasur precedent penalë, i hetuar për çështje në fushën e narkotikëve, por aktualisht ishte person i lirë dhe jo në kërkim.
Referuar një komunikate zyrtare të Policisë së Shtetit në fillim të këtij viti u ndalua në Tiranë paraprakisht për llogari të palës Italia, sepse kishte thyer masën e arrestit të dhënë nga drejtësia e vendit fqinj dhe s'duhej të largohej nga territori.
"Dritan Idrizi, alias Dritan Xhepexhiu, u arrestua së bashku me Elion Bejon për trafik droge. Idrizi së bashku me Bejon gjatë periudhës 07.10.2019-26.10.2019, në bashkëpunim me shtetas të tjerë, ka shitur lëndë narkotike heroinë dhe kokainë, në doza, me vlerë rreth 17 mijë euro" thuhet në njoftimin e policisë.
Por pas disa ditësh qëndrimi në paraburgim ai u lirua dhe hetimet u zhvilluan në gjendje të lirë.
Idrizi më tej u rikthye në Itali, ku vijonte ndjekjen e procedurave për çështjen e hapur dhe u la po në gjendje të lirë.
Vrasja e shqiptarit Dritan Idrizi (Xhepexhiu) në Tavullia të Italisë, të mërkurën e 7 Gushtit, i ka lënë vend hetimeve të organeve ligjzbatuese dhe reagimeve nga palët në konflikt. Ngjarja ndodhi pranë një ndërtese, përgjatë "Via San Giovanni".
Policia e vendi fqinj ka njoftuar se deri tani ka arrestuar 3 persona të implikuar në përleshje, mes të cilëve edhe autori i dyshuar i ngjarjes.
I arrestuari për vrasjen është një 37-vjeçar, teksa të ndaluar konfirmohen edhe 2 persona të tjerë, që dyshohen të implikuar në krim. I ndaluari është identifikuar si Artur Cerria, me kombësi shqiptare dhe madje sipas mediave të vendit fqinj, edhe i njohur i viktimës njëkohësisht.
I arrestuari dhe ka rrëfyer vrasjen e bashkatdhetarit të tij Dritan Idrizi. Cerria punoi si marangoz dhe më pas hapi një biznes me pakicë në internet. Edhe vetë ai është goditur me çekiç në kokë nga Idrizi dhe ka pësuar lëndime të rënda. Të plagosur mbetën edhe gruaja dhe djali i tij që ndodheshin në vendin e sulmit. Dy arrestimet e tjera të kryera nga Karabinierët e Riccione dhe Pesaro janë një mik 28-vjeçar i viktimës dhe një i afërm i tij.
Tre të arrestuarit, me urdhër të Prokurorisë Publike në Gjykatën e Pesaros, ishin të lidhur me burgun e Pesaros, në pritje të seancës së vlefshmërisë.
Familja e dyshuar ka pretenduar vetëmbrojtjen, duke këmbëngulur se viktima dhe shokët e tij i shkuan të armatosur në banesë dhe i goditën me çekiç në kokë, përfshi edhe gruan. Fataliteti ishte rezultat i një konflikti në vijim mes dy palëve, për çështjen e një borxhi prej 5 mijë euro që autori i kishte viktimës, për punët e kryera në ndërtim, raporton “ilrestodelcarlino.it”.
Dritan Idrizi, banues në Riccione, u godit me thikë tre herë në gjoks, teksa plaga që i mori jetën ishte ajo në zemër. Pavarësisht se u dërgua në spital, nuk arriti të mbijetonte. Nga përleshja në vendngjarje pati të paktën edhe 3 të plagosur, që po trajtohen, mes tyre edhe gruaja e autorit.
Mediat italiane shkruajnë se ka pasur tension në spital mes familjarëve të viktimës dhe autorit. Ndërsa familjarët e autorit ndodheshin në spital për të parë nga afër të plagosurit, familjarët e viktimës kishin shkuar në morg për të parë trup.
;Hyrja në morgun Riccione ishte "e blinduar me një garnizon ushtarësh”, shkruan media italiane për shkak të tensionit të krijuar mëngjesin e sotëm.
Dritan idrizi, i vrarë në Itali
Komente
Lajme të tjera
-
Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura
24 Nëntor, 21:21 -
Itali/ Shiste kokainë dhe hashash afër shkollave të Milanos, arrestohet 20-vjeçari shqiptar! I sekuestrohen drogë dhe euro cash
24 Nëntor, 21:06 -
Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali
24 Nëntor, 09:15 -
Itali/ Zbulohet 'streha e drogës', gjenden 76 kg kokainë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Itali/Kishte fshehur brenda dyshekut mbi 2 kg kokainë, arrestohet 22-vjeçari shqiptar! U denoncua nga banorët, shtëpinë e kishte kthyer në bazë droge
21 Nëntor, 21:49 -
U arrestua për rrahjen dhe grabitjen e një italiani, Gjykata e Katanias liron 28-vjeçarin shqiptar! I skeduar më parë për drogë
21 Nëntor, 21:03 -
Itali/ Përgjimet SKY ECC çmontojnë klanet mafioze Sacra Corona dhe Ndragheta, bashkëpunonin me shqiptarët! 33 arrestime të reja, 97 persona nën hetim (EMRAT)
21 Nëntor, 20:06 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35
I gezove Eurot o derman? Ngushellime familjes, po dihen borxhet per "punet ndertimore" ne emigrim.
Përgjigju