Kylie Jenner zbuloi filmin e saj të preferuar të Timothée Chalamet.

Biznesmenia ishte e ftuar në emisionin “Big Bro” dhe tha se “Call Me by Your Name” bie në sy, por filmi i partnerit të saj, të cilin e ka parë shtatë herë, është një tjetër.

Kylie Jenner tha se i pëlqen të gjitha paraqitjet e aktorit në filma.

“Është e vështirë për mua të përgjigjem se cili është filmi im i preferuar i Timmy-t, sepse ndiej se i dua të gjithë me të vërtetë“, tha ajo, por më pas shtoi: “Por ‘Call Me by Your Name’ është, pak a shumë, pothuajse perfekt. Është thjesht pothuajse perfekt.”

Më pas ajo theksoi se është një fanse e filmave fantastiko-shkencorë të aktorit, duke deklaruar se i pëlqen shumë “Dune”. Megjithatë, kur filmi “Wonka” u përmend në bisedë, Jenner zbuloi se e kishte parë shtatë herë.

Kylie Jenner dhe Timothée Chalamet janë bashkë që nga prilli i vitit 2023. Ata e bënë publike lidhjen e tyre në shtator të të njëjtit vit, gjatë turneut botëror “Renaissance World Tour” të Beyoncé në Los Angeles. Shfaqja e tyre e parë në tapetin e kuq së bashku u zhvillua në maj të vitit 2025, në çmimet David di Donatello në Romë.