La Liga e futbollit në Spanjë zhvilloi të dielën e 18 majit dhjetë ndeshjet e javës së 37-të. Në orën 19:00 të gjitha skuadrat zbritën në fushë, teksa do jetë raundi i fundit javën që vjen ai që do vendos të gjitha verdiktet, ndërsa pesë skuadrat që Spanja dërgon në Champions League tanimë janë mësuar.

Në "Lluís Companys" kampionët e Barcelonës u pritën me "tunelin e nderit", por zhgënjyen në shtëpi duke u mposhtur 2-3 nga Villarreal. "Nëndetësja e Verdhë" u pa me më shumë dëshirë në fushë dhe zhbllokoi shifrat me Perez pas vetëm katër minutave lojë, para se Yamal me një supergol dhe Fermin Lopez të përmbysnin ndeshjen në pjesën e parë. Miqtë u futën në fushë me më shumë besim dhe Comesana e Buchanan përmbysën ndeshjen në 2-3 duke befasuar kampionët e saposhpallur të Barcelonës në shtëpi.

Në "Sanchez Pizjuan", Real Madrid fitoi 0-2 kundër Sevillas. Vendasit e mbyllën me dy lojtarë më pak, ndërsa për "Galaktikët" shënuan Mbappe dhe Bellingham. Kylian Mbappe ka siguruar "Këpucën e Artë" pasi një javë nga fundi i sezonit ka shënuar 29 gola në 33 ndeshje.

Kur mbetet edhe një javë nga fundi i La Ligas, pak verdikte kanë mbetur në lojë. Pesë ekipet që do marrin pjesë në Champions janë: Barcelona, Real Madrid, Atletico Madrid, Athletic Bilbao dhe Villarreal.

Betis i vendit të gjashtë do marrë pjesë në grupet e Europa League, po ashtu edhe vendi i shtatë, për të cilin janë ende në garë Celta Vigo, Rayo Vallecano dhe Osasuna.

Ndërkohë që mbetet për t’u përcaktua edhe ekipi i tretë që do të shkojë në La Liga 2. Espanyol renditet në vendin e 17-të me 39 pikë, ndërsa Leganes renditet në vendin e 18-të me 37 pikë. Në javën e fundit, Espanyol pret në shtëpi Las Palmas ndërsa Leganes pret Valladolid. Si Las palmas dhe Valladolid do të luajnë në La Liga 2 sezonin e ri.

La Liga, raundi 37-të:

E diel, 18 maj 2025

Atletico Madrid 4-1 Betis

Barcelona 2-3 Villarreal

Celta Vigo 1-2 Rayo Vallecano

Las Palmas 0-1 Leganes

Mallorca 1-2 Getafe

Osasuna 2-0 Espanyol

Real Sociedad 3-2 Girona

Sevilla 0-2 Real Madrid

Valencia 0-1 Athletic Bilbao

Valladolid 0-1 Alaves

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Qershor, 10:56

    Kë mbështesni në konfliktin mes Izraelit dhe Iranit?

Lajme të tjera