KURBIN - Policia e Laçit ka mbyllur një lokal ku ushtrohej aktiviteti i pa licencuar për stripizëm dhe për zhvillim të paligjshëm për lojëra fati në fshatin Malbardh.

Pas bllokimit të aktivitetit policia ka shpallur në kërkim pronarin e lokalit, 44-vjeçarin Bashkim Lika i cili është banor i së njëjtës zonë.

Nga të dhënat e policisë mësohet se në këtë lokal punonin si striptiste 5 femra, mosha dhe identiteti i të cilave nuk bëhet publik.

Policia ka sekuestruar dy makina elektronike lojërash fati dhe pajisjet për organizimin e muzikës së natës.

Mësohet se pronari i lokalit, 44-vjeçari Lika do të ndiqet për Ushtrim të pa licencuar të lojërave të fatit, për prishje të rendit e qetësisë publike dhe për mospagim taksash e punësim të paligjshëm.
 
Redaksia Online
(a.h/shqiptarja.com)