POP 5

Lajmet më të lexuara të 5 minutave të fundit

Kosova & Rajoni

Lajçak në Kosovë, do të diskutojë për Dialogun Kosovë-Serbi dhe Asociacionin e Komunave Serbe

I dërguari special i Bashkimit Europian, për dialogun Kosovë-Serbi, Mirosllav Lajçak,viziton sot në Kosovë, ku do të diskutohet për zhbllokimin e çështjes së Asociacionit të komunave me shumicë serbe në Kosovë. 

Lajçak në Kosovë, do të diskutojë për Dialogun Kosovë-Serbi dhe Asociacionin e Komunave Serbe

Miroslav Lajčák

I dërguari special i Bashkimit Europian, për dialogun Kosovë-Serbi, Mirosllav Lajçak, qëndron sot në Kosovë. Pas Kosovës Lajçak do të vizitojë edhe Serbinë ku edhe do të diskutohet për "zhbllokimin e çështjes së Asociacionit të komunave me shumicë serbe", çështje e cila ka shkaktuar ngecje në bisedimet për normalizimin e marrëdhënieve midis Kosovës dhe Serbisë. Pasi qeveria e Kosovës refuzon të diskutojë në lidhje me të, por Serbia insiston në të kundërtën.

Formimi i Asociacionit është vendosur me Marrëveshjen e Brukselit të vitit 2013, të arritur në dialogun Kosovë-Serbi. Në vitin 2015, dy vendet, nën ndërmjetësimin e BE-së, kanë arritur edhe një marrëveshje shtesë për themelimin e këtij Asociacioni.

Por, Gjykata Kushtetuese e Kosovës ka konstatuar se parimet për të nuk janë në përputhje me Kushtetutën e Kosovës, edhe pse ka thënë se ato mund të harmonizohen me një akt ligjor të Qeverisë së Kosovës.

Të hënën në Luksemburg, Lajçak raportoi ndaj ministrave të Jashtëm të BE-së për dialogun Kosovë-Serbi. Pas këtij takimi, përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, tha se dialogu ndërmjet Kosovës dhe Serbisë është një proces kompleks, por shprehu bindjen se arritja e një marrëveshjeje finale është çështje muajsh, e jo vitesh.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 13/10/2020 11:31

    Ky proserbi do shkel edhe kushtetuten e Republikes sē Kosovës bashk me shqipfolësit për ta ndar Kosovën!

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

10 Janar, 18:15