Trafik armësh/ Tentonte të kalonte kufirin me autobus, suedezi kapet me 19 pistoleta në çantë (VIDEO-FOTO)

Shkodër- Kontrolli në pikën kufirare të Muriqanit ka nxjerrë zbuluar një shtetas suedez. Shqiptarja.com dhe Report Tv mësojnë se ai është arrestuar pak minuta më parë pasi gjatë kontrollit në autobusin e linjës “Kosovë -Gjermani” u kap me 19 pistoleta.

Shtetasi Sebastian Vall, 21 vjeç, banues në Suedi, në momentin e ndalimit ka deklaruar se armët i kishte blerë në Kosovë, por nuk kishte asnjë dokument për ta vërtetuar një gjë të tillë. Destinacioni i tij final ishte Gjermania. Policia e Shkodrës po e merr në pyetje, ndërsa dyshohet që ai të jetë përfshirë në trafik armësh.

LEXO EDHE:
E Premtja e Zezë/ Fier, besimtarët ndjekin meshën e drejtuar nga Metropoliti Hirësia Nikolla në Katedralen e Shën Gjergjit

Pistoletat e sekuestruara

Njoftimi i policisë

Muriqan, Shkodër

Tenton të trafikojë armë zjarri, arrestohet nga Policia 21 - vjeçari nga Suedia.

Sekuestrohen 19 armë zjarri "Pistoletë".

Krahas masave për përballimin e fluksit, krijimin e lehtësirave ligjore me qëllim shmangien e radhëve dhe ofrimin e një shërbimi sa më cilësor e në kohë për turistët dhe gjithë pushuesit që vijnë në Shqipëri për sezonin veror, shërbimet e Policisë Kufitare Muriqan kanë rritur edhe kontrollin në drejtim të parandalimit dhe goditjes së paligjshmërisë, kryesisht trafiqeve të paligjshme që mund të kryhen duke përfituar nga fluksi i madh.

Si rezultat i shtimit të kontrolleve duke përdorur edhe qentë antidrogë dhe antieksplozivë është bërë e mundur që të konstatohet dhe goditet një rast i trafikimit të armëve të zjarrit.

Shërbimet e Policisë Kufitare në PKK Muriqan, bënë arrestimin në flagrancë të shtetasit :

- Sebastian Vall, 21 vjeç, banues në Suedi. 

Në PKK Muriqan në dalje gjatë kontrollit të detajuar në vijën e dytë, në çantën e 21 - vjeçarit suedez, i cili udhëtonte si pasagjer në autobuzin e linjës “Kosovë -Gjermani”, u gjetën dhe u sekuestruan në cilësinë e provës materiale 19 armë zjarri tip “pistoletë”, kalibër 7.65. 

Veprimet po vijojnë nga Specialistët e Departamentit të Policisë Kriminale dhe të Policisë Shkodër për zbardhjen dhe dokumentimin e plotë të këtij rasti të trafikut të armëve. 

Materialet do ti referohen Prokurorisë së Rrethit Gjyqësor Shkodër për veprën penale “Trafikimi i armëve dhe i municionit” parashikuar nga neni 278/a i Kodit Penal

Pistoletat e sekuestruara

Arrestimi i tij vjen në një kohë kur qyteti i Shkodrës është tronditur nga disa ngjarje kriminale. Më i fundit ai i ekzekutimit të kunatit të Lul Kullës, Fatbardh Lici, ngjarje kjo e tipit mafioz. Ndërsa tre javë më parë u ekzekutu në makinë ish0polici Boran Bërçana, dhe bashkëjetuesja e tij Silvi Ndocaj. Të dyja këto ngjarje të rënda janë ende të pazbardhura.

Sondazhi i ditës:

A besoni se do realizohet vota e diasporës për zgjedhjet e ardhshme?

• Po

  21.4%

• Jo

  69%

• Nuk e di

  9.5%

Vota total: 1544

• Sondazhi i ditës:

  A besoni se do realizohet vota e diasporës për zgjedhjet e ardhshme?

  Po Jo Nuk e di