Asmer Bilali, ish-kampion i boksit humbi dje babanë dhe xhaxhanë, të cilët u ekzekutuan me armë zjarri. 30-vjeçari që ndodhet në burg (lexo ketu), pas vrasjes së babait Astritit dhe xhaxhait të tij Brahimit ka reaguar duke shpërndarë lajmin e një portali mbi vrasjen e dyfishtë me titull “Lamtumirë kampionë” për babanë dhe xhaxhanë e tij të cilët kanë qenë sportistë në garat e hipizmit.
Deri tani nuk ka asnjë të arrestuar për vrasjet, ndërsa sot u zbardhën detaje të reja. Shqiptarja.com mësoi se në momentin kur autorët e vrasjes kanë qëlluar në drejtim të dy vëllezërve, 59-vjecari Astrit Bilali u është kundërpërgjigjur atyre duke qëlluar me pistoletë.
Në brendësi të mjetit tip 'Benz' që autorët i vendosën flakën pas ngjarjes është gjetur edhe arma e krimit tip automatik e cila është përdorur në vrasjen e dy vëllezërve Astrit dhe Brahim Bilali. Astmer Bilali, u arrestua vitin e kaluar si pjesë e grupit "Bajri" në Shkodër, ndërkohë që grupi kundërshtar i tyre janë Licajt. Dyshohet që pikërisht lufta mes këtyre bandave të këtë sjellë viktimat e radhës.
Postimi i Asmer Bilalit
