POP 5

Lajmet më të lexuara të 5 minutave të fundit

Sport

Lara Colturi shkëlqen në Itali, gati t’i sjellë medalje Shqipërisë në Botëror! Pritshmëri e lartë edhe nga skiatorët e rinj

Lara Colturi ka marrë një tjetër rezultat mbresëlënës për Shqipërinë në botërorin e skive, duke e konfirmuar veten në top 15 më të mirat e botës, edhe pse vetëm 17 vjeç. Ndërkohë ekipi kombëtar i skive po përgatitet për pjesëmarrjen në kampionatin botëror për të rinjtë, ku synon medalje.

Një tjetër rezultat të jashtëzakonshëm ka arritur me flamurin shqiptar skiatorja Lara Colturi, në garën e radhës për kampionatin botëror.

Këtë herë 17-vjeçarja u rendit e 12 në pistën e Kronplatz të Italisë pavarësisht se lëshimi i parë nuk shkoi shumë mirë.

Fillimisht Lara zuri vendin e 20, por rikuperoi shumë në lëshimin e dytë duke u përmirësua me 10 vende dhe si përfundim u rendit e 12-ta. Kjo ishte edhe një provë shumë e mirë para kampionatit botëror për të rinjtë në Francë ku Colturi pritet të marrë medalje për Shqipërinë.

Sakaq në disiplinën e Doën Hill, në Botërorin e të rinjve në Francë, Deni Xhepa përfundoi në vendin e 27, ndërsa Chiaro di Camillo e mbylli e 32-ta.

Rezultate më të mira priten nga Kevin Qerimaj, i cili në dy prova të bëra në Kronplatz të Italisë arriti ta mbyllë i pari. Synimi është që në Botërorin e skive për të rinj në Francë, përveç Lara Colturit, të ketë edhe një skiator tjetër i cili do futet në zonën e medaljeve.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12