Në një dalje për mediat kreu i PD tha se qeveria Rama në fakt ka humbur cdo legjitimitet përballë qytetarëve me dështimet e saj.
Sipas tij shpresa tek shqiptarët do të lindë me largimin e Ramës nga qeveria.
“Nuk ka shpresë nga ky ndryshim në qeveri apo nga ndryshime të tjera sepse të gjithë e dinë se përkeqësimi i thellë i jetës së shqiptarëve me taksa të rritura, me rënien e fuqisë blerëse, me shpunësimin dhe varfërimin masiv si rezultat i politikave të qeverisë “Rama” nuk ka asnjë shans të ndryshojë tashmë që qeveria është në ditët e saj të fundit.
Ndryshimi i vërtetë që do të ngjallte shpresë dhe gëzim tek shumica e shqiptarëve, jo vetëm tek opozita, do të ishte largimi i Edi Ramës’ tha ai.
Por kreu i PD është i bindur se kjo qeveri i ka ditët e numëruara pasi sikur tha ai rilindja është projekt i dorëzimit të Shqipërisë për krimin.
“Qeveria ka humbur çdo legjitimitet moral dhe politik. Se varka e shpuar e qeverisë nuk është më në gjendje të përballojë as detyrat më akute të qeverisjes që janë rendi dhe siguria, në radhë të parë, lufta kundër krimit, shteti ligjor dhe respektimi i të drejtave elementare të qytetarëve.
Por është kthyer në armiken kryesore të shqiptarëve, me papunësinë e shtuar, me varfërinë e thelluar, me krimin e veshur me pushtet.
Ndaj shqiptarët po bashkohen nga dita në ditë në një koalicion të madh që i tejkalon vijat dhe profilet politike, për të realizuar ndryshimin e vërtet që funksionon për ta, jo për partitë politike, as për koalicionet. Dhe ky ndryshim i vërtetë fillon me largimin e Edi Ramës” përfundoi kreu i PD deklaratën e tij për ndryshimin në qeverinë Rama.
d.b/shqiptarja.com