Receta

Lazanjë me patëllxhan me sallam si qëmoti nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 26 Maj 2023, 12:15 | Përditesimi: 26 Maj 2023, 12:17

Lazanjë me patëllxhan me sallam si qëmoti

Përbërësit:

4 patëllxhanë të gjerë
300 gr salcë domate
2 thelpinj hudhër
1 pako sallam FIX si qëmoti
250 gr djathë kaçkavall /djathë të bardhë
4 lgj kos
3 vezë
Pak miell
Vaj bimor për skuqje
Kripë, piper, borzilok

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Presim patëllxhanët në feta të holla. Rrahim në një tas dy vezë me pak kripë, ndërsa në një tas tjetër vendosim pak miell. Lyejmë fillimisht fetat e patëllxhanit me pak miell dhe më pas i kalojmë tek veza, i spërkasim përsëri me miell. I vendosim patëllxhanët të skuqen në vaj të bollshëm.

Tek salca e domates shtojmë 2 thelpinj hudhër të shtypur dhe disa gjethe mente ose borzilok. Lyejmë bazën e tavës me pak salcë, më pas tek salca shtojmë sallamin si qëmoti të grirë në blender. Fillojmë ndërtojmë lazanjën me disa shtresa me patëllxhanë, salcë me sallamin e grirë, djathë kaçkavall ose të bardhë. Në fund rrahim një vezë me pak kos dhe e vendosim në sipërfaqe duke e e niveluar mirë. E vendosim tavën në furrë të parangrohur në temperaturën 180 gradë për 30 minuta.

MC/Shqiptarja.com

TAG: