Lazarat, ndalohen dhe 45
'punëtorë' të kanabisit

GJIROKASTER- Policia e Gjirokastrës ndalon të tjerë punëtorë që shkonin drejt Lazaratit për sezonin e mbjelljes së kanabisit. Burme nga policia e Gjirokastrës bëjnë me dije se janë ndaluar 45 persona të cilët udhëtonin me 4 furgonë drejt fshatit më të njohur në vend për mbjellje dhe kultivim të kanabisit. 

Ndalimi i tyre është bërë në postbllokun e ngritur nga policia në dalje të qytetit të Gjirokastrës, rreth 3 km larg Lazaratit. Forcat e policisë kanë ndeshur fillimisht në kundërshtimin e drejtuesve të furgonëve të cilët kanë deklaruar se ata thjesht po conin pasagjerë në Lazarat dhe se ndalimi i tyre është i padrejtë. Gjithsesi aksioni i policisë për ndalimin e 45 personave nuk është shoqëruar me rezistencë. Një ditë më parë u ndaluarn 100 persona, të cilët udhëtonin me 7 furgonë drejt Lazaratit.

Sipas burimeve policore të cilave u referohet A1 Report, të 100 personave kryesisht gra, u është marrë deklaratë me shkrim se çfarë punë kryejnë në Lazarat dhe cilët janë punëdhënësit e tyre duke u vënë në dijeni se në rast shkelje të ligjit, do të penalizohen. 
(jd/shqiptarja.com)

TAG:
• lazarat