POP 5

Lajmet më të lexuara të 5 minutave të fundit

Sport

Lazio ia bën jetën ferr Juventusit, fiton për të dytin vit radhazi Superkupën e Italisë (VIDEO)

Lazio është fituesja e Superkupës së Italisë pasi ekipi i Inzaghit ka mposhtur 1-3 Juventusin. Ky është viti i dytë radhazi që skuadra kryeqytetase fiton këtë trofe, pasi të njëjtën gjë e bëri edhe vitin e kaluar ndaj po të njëjtit kundërshtar.

Lazio ka siguruar trofeun e dytë sezonal pasi skuadra kryeqytetase ka mposhtur Juventusin në Arabinë Sauditë me rezultatin 1-3 për Superkupën e Italisë. Skuadra e drejtuar nga Inzaghi gjeti avantazhin që në minutën e 16 me Luis Alberto-n, por Juventus fillimisht arriti të reagonte duke barazuar rezultatin në fundin e pjesës së parë me Paolo Dybala-n, që u ndodh në vendin e duhur pas grushtimit të Strakoshës.

Në pjesën e dytë Lazio ishtë me e vendosur në fushë dhe në minutën e 73 shënoi golin e dytë me Lulic, ndërsa të tretin me Cataldi-n, duke konfirmuar kështu ekipin lacial si macen e zezë të Juventusit. Lazio edhe sezonin e kaluar mposhti në Superkupë Juventusin, diçka të cilën e bëri edhe në finale e Kupës për sezonin 2018-2019. Vetëm para pak javësh Lazio i shkaktoi disfatën 3-1 Juventusit në kampionat, ndërsa kjo e sotmja ishte humbja e 4 për bardhezinjtë ndaj skuadrës kryeqytetase në harkun kohor të një viti.

 

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça