POP 5

Lajmet më të lexuara të 5 minutave të fundit

Arkiva

LDK-AAK-Nisma: PDK të njohë realitetin politik në Kosovë

  PRISHTINË, 4 Korrik /ATSH-B.Jashari/.-Koalicioni LDK-AAK-Nisma konsideron se retorika e përdorur ditëve të fundit nga PDK-ja është në kundërshtim të plotë me parimet e demokracisë dhe votës së lirë. “Duam të përkujtojmë PDK-në se institucionet e reja nuk mund të krijohen me metoda klandestine, shantazhe e as presione ndaj përfaqësuesve të zgjedhur të popullit. Asnjë […]
 
Kosove-Pamje nga Prishtina Foto ATSH
PRISHTINË, 4 Korrik /ATSH-B.Jashari/.-Koalicioni LDK-AAK-Nisma konsideron se retorika e përdorur ditëve të fundit nga PDK-ja është në kundërshtim të plotë me parimet e demokracisë dhe votës së lirë.
"Duam të përkujtojmë PDK-në se institucionet e reja nuk mund të krijohen me metoda klandestine, shantazhe e as presione ndaj përfaqësuesve të zgjedhur të popullit. Asnjë parti politike nuk është e obliguar që kundër vullnetit të saj të krijojë partneritet me PDK-në, në mënyrë që t'ia sigurojë asaj shumicën parlamentare", thuhet në komunikatën e përbashkët të koalicionit paszgjedhor, të tre subjekteve parlamentare sipas rezultateve të zgjedhjeve të parakohshme të 8 qershorit.
"Ftojmë Partinë Demokratike që t'i respektojë proceset shtetformuese të Kosovës dhe të njohë realitetin politik në Kosovë. Qeveria LDK-AAK-Nisma dhe partnerët tjerë, është qeverisje e shumicës dhe ka marrë drejtim. Kjo nuk mund të ndalet me asnjë presion dhe shantazh të zyrtarëve të PDK-së", thuhet në komunikatën e përbashkët të koalicionit LDK-AAK-Nisma.
Kosova, pas zgjedhjeve të parakohshme parlamentare të 8 qershorit, është në pritje të konstituimit të institucioneve të reja, si rezultat i votës së qytetarëve, se kush do e formojë qeverinë e re, Hashim Thaçi, i nominuari nga subjekti politik fitues - Partia Demokratike e Kosovës në koalicion parazgjedhor me katër parti të tjera të vogla, apo Ramush Haradinaj, i nominuari nga koalicioni paszgjedhor i dy partive të opozitës - Lidhjes Demokratike të Kosovës e Aleancës për Ardhmërinë e Kosovës dhe subjektit të ri politik Nisma për Kosovën, me përkrahjen e kushtëzuar të Lëvizjes Vetëvendosje.
Sipas rezultateve përfundimtare të zgjedhjeve, të shpallura zyrtarisht nga KQZ, koalicioni i PDK-së ka 30,38 % të votave - 37 deputetë , ndërsa LDK 25,24 % - 30 deputetë, Lëvizja Vetëvendosje 13,59 % - 16 deputetë, AAK 9,54% - 11 deputetë, Nisma për Kosovën 5,15% - 6 deputetë.
Të gjitha këto subjekte politike shqiptare kosovare së bashku kanë 100 deputetë në Kuvendin e Kosovës 120 anëtarësh, ku 20 deputetët e tjerë janë nga komunitetet pakicë, 10 prej tyre serbë - 9 të Lista Srpska (Srpska Lista), e cila ka 5,22% të votave./k.s/

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27