TIRANE - Ligji për Bankën e Shqipërisë lejon zyrtarët e saj që të bëjnë një numër shkeljesh, siç kanë bërë. Kështu që ai duhet të ndryshojë edhe në dritën e ngjarjes së fundit, të mega-vjedhjes në këtë institucion kryesor të shtetit, sipas Gerti Shellës, drejtor ekzekutiv i Qendrës së Informimit të Opinionit Publik (INFOCIP), një “think tank”, institut i pavarur i specializuar në vlerësimin e zbatueshmërisë së legjislacionit.
 
Z. Shella, Qendra që ju drejtoni, INFOCIP, ka shprehur para ca ditësh qëndrimin e saj lidhur me vjedhjen e parave në Bankën e Shqipërisë, duke e vendosur theksin tek përgjegjësia e Bordit mbikqyrës. Pse ky qendrim?
Mbledhja e firmave për shkarkimin e Fullanit është një verbalizim i zemëratës së thellë, deri në dëshpërim, që ka krijuar kjo mega-vjedhje. Pavarësisht efikasitetit tënjë instrumenti të tillë për largimin e atij që perceptohet si përgjegjegjës për këtë vjedhje (Fullanit), qasja jonë, në fakt, shkon më tej.Ne kemi kërkuar qëpara përgjegjësisë të vihen anëtarët e Këshillit Mbikqyrës të BSH.