“Berisha Sali?” Rama ulur në
karrigen e tij me dorën lart:Këtu!

Ndërsa në Parlamentin e Shqipërisë po vijon votimi për presidentin e ri ku e vetmja alternativë është ajo e Ilir Metës, Rama gjen rastin të bëjë pak humor.
 
Kryeministri është ulur në karrigen e Berishës, ndërsa në momentin që u thirr emri “Berisha Sali”, Rama është përgjigjur “Këtu” dhe ka ngritur dorën.

Por kreu i qeverisë e ka vijuar "rolin e Berishës" pasi kur po i drejtohej kutisë u është drejtuar deputetëve: "Do votoj edhe për Saliun."

Në këtë seancë siç edhe pritej, mungojnë përfaqësuesit e opozitës, të cilët vijojnë protestën dhe bojkotin për zgjedhje të lira.  

Sekretariati për vlerësimin e kandidatëve i përbërë nga Vangjel Tavo dhe Musa Ulqini shpalli nisjen e votimit për zgjedhjen e presidentit të ri vendit. I pari ka votuar deputeti i PS, Sadri Abazi. 

Presidenti i ri do të marrë detyrën zyrtarisht më datë 24 korrik, kur i skadon mandati presidentit aktual, Bujar Nishani.

[gallery]22025[/gallery]
  
Redaksia Online
Al.N/Shqiptarja.com