“Carmina Burana”, ringjitja sot
në skenë, përsëri “korr” sukses

Me një trup të rifreskuar dhe nën drejtimin e dirigjentit italian Alessandro Cadario, baleti “Carmina Burana” përsëriti sot në mbrëmje edhe suksesin që shënoi në premierën e tij të parë. 

Ky balet ka çelur sezonin artistik dhe do të shfaqet sërish të shtunën në orën 19.00. 

Në mungesë të një premiere të re, drejtoresha e sapoemëruar Zana Çela mendoi që t’i risillte publikut në skenë një nga premierat më të suksesshme të sezonit të kaluar ku marrin pjesë mbi 200 artistë dhe alternohen këngët e korit muzika orkestrale dhe performancat e baletit. 

Edhe në këtë ringjitje të premirës Carmina Burana, publiku dhe duartrokitjet e tij nuk munguan. Interpretimet fantastike të trupës së balerinëve dhe zëri gurgullues i korit emocionuan publikun. Ky sukses i përsëritur është një tregues i nevojës për një menaxhim më të mirë të operës dhe baletit në sezonin e ardhshëm. 

Vërshimi këtë fundjavë i publikut shqiptarë dhe të hyajve që banojnë në Tiranë në dyert e operës e ka një motiv më tepër. 

Interpretohet Himni i dashurisë, i konceptuar si gjuhë e trupit nga koreografi me origjinë hungareze Youri Vamos. Dhe këtë mbrëmje trupi e lëvizjet e këtyre balerinëve dhe këngëtë korale i kanë dhënë mesazhe mbresëlënëse publikut.

Foto nga shfaqja e baletit “Carmina Burana”












Artdashës të shumtë të interesuar për të ndjekur baletin “Carmina Burana”








Redaksia Online
XH.K/shqiptarja.com