POP 5

Lajmet më të lexuara të 5 minutave të fundit

Politikë

“Dekriminalizimi, Krichbaum për
DW: Kushti parësor për negociatat”

Shqipëria është shumë larg fillimit të bisedimeve, raporti i ODIHR, shqetësues .Deputeti gjerman dhe kreu i Komisionit për Çështjet Europiane në Bundestag, Gunther Krichbaum, shprehet gjatë një interviste për “Deutsche Ëelle” se Shqipëria është shumë larg çeljes së negociatave të anëtarësimit me BE
“Dekriminalizimi, Krichbaum për<br />DW: Kushti parësor për negociatat”
TIRANE- Deputeti gjerman dhe kreu i Komisionit për Çështjet Europiane në Bundestag, Gunther Krichbaum, shprehet gjatë një interviste për “Deutsche Welle” se Shqipëria është shumë larg çeljes së negociatave të anëtarësimit me BE. Shqetësim për gjermanët përbën raporti i ODIHR për zgjedhjet e 21 qershorit dhe procesi i dekriminalizimit.

“Aktualisht Shqipëria, jo vetëm për shkak të parregullsive në zgjedhjet e fundit lokale, ndodhet ende shumë larg fillimit të bisedimeve të anëtarësimit për në BE. Por më lejoni të them hapur diçka lidhur me zgjedhjet lokale: Ato çfarë raportohen mbi zgjedhjet nga ODIHR-i, qendra e zgjedhjeve të OSBE-së, janë për një vend që aspiron të bëhet anëtar i Bashkimit Europian tërësisht të papranueshme”, u shpreh kreu i Komisionit për Çështjet Europiane në Bundestag, Gunther Krichbaum.

Pavarësisht skepticizmit të Berlinit, Krichbaum thekson se komisioni që ai drejton do të ndjekë me shumë vëmendje sa janë realizuar reformat, siç është lufta kundër korrupsionit, reforma në sistemin e drejtësisë, zgjedhjet e lira dhe të ndershme si dhe procesi i dekriminalizimit. Madje, për këtë të fundit, zyrtari i lartë i Bundestagut gjerman thotë se do të jetë elementi kyç për ecjen përpara me procesin e integrimit europian të vendit. Sipas tij, prej dekriminalizimit të politikës do të varet edhe çelja e negociatave të anëtarësimit të Shqipërisë në BE.

“Për ne është një kusht i panegociueshëm për fillimin e bisedimeve të anëtarësimit që politika shqiptare të dekriminalizohet”, tha ai. Teksa vlerëson propozimet e PD, kryetari i Komisionit për Çështjet Europiane në Bundestag, Gunther Krichbaum inkurajon klasën politike shqiptare që të miratojnë me konsensus ligjin për dekriminalizimin. “Në këtë pikë Partia Demokratike ka bërë propozime të mira dhe unë shpresoj shumë që më në fund të kemi ujdinë mes qeverisë dhe opozitës”, theksoi më tej ai. Skandali i CEZ, për Krichbaum duhet të hetohet prokurorë ndërkombëtarë, kjo për të rritur besueshmërinë dhe rezultatet e hetimit.

“Duke pasur parasysh situatën e ndezur politike në Shqipëri, unë e shoh si një propozim shumë të mirë pjesëmarrjen e hetuesve ndërkombëtare për zbardhjen e kësaj afere. Kjo sigurisht do të rriste besueshmërinë dhe pranueshmërinë e rezultateve të hetimit”, shtoi ai. Deputeti gjerman dhe kreu i Komisionit për Çështjet Europiane në Bundestag, Gunther Krichbaumc flet edhe për vizitën e kreut të PD, Lulzim Basha në Berlin.

Ai thotë se CDU mbështet Partinë Demokratike, pavarësisht rezultateve aktuale zgjedhore, pas humbjes së zgjedhjeve vendore të 21 qershorit, humbja e cila është e dyta radhazi pas parlamentareve të 2013-ës.  
 
Redaksia Online
(d.a/shqiptarja.com)
 

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Media: Armëpushimi në Liban do të shpallet sonte pas orës 22:00

Media: Armëpushimi në Liban do të shpallet sonte pas orës 22:00

26 Nëntor, 15:21