“Këpuca e Artë” ngushëllimi i vetëm
i Ronaldos pas dështimit me Realin

Pas dështimit total në të gjitha kompeticionet, i vetmi ngushëllim për sulmuesin e Realit të Madridit, Ronaldo është “Këpuca e Artë” në kampionatin spanjoll të futbollit. Aktualisht, portugezi është në rrugë të mbarë, pasi kur duhet edhe një ndeshje nga fundi udhëheq listën me 45 gola, 4 më shumë se Mesi që ndodhet në vendin e dytë.

Në ndeshjen e fundit me Gedafen, Ronaldo përpos fitimit të trofeut personal do të tentojë që të thyejë edhe rekordin e Mesit me 50 gola brenda një edicioni, por për të arritur këtë duhet që të shënojë 6 gola. Edhe pse duket e vështirë, një gjë e tillë është e mundur për Ronaldon, pasi këtë edicion ka arritur që të shënojë edhe 5 gola brenda një ndeshje.



d.b/shqiptarja.com