“Nuk kam më shpresë” Anëtari i
Këshillit Kombëtar ikën nga PD

Anëtari i Këshillit Kombëtar të Partisë Demokratike, Edvin Kulluri përmes një deklarate në faqen e tij në Facebook ka njoftuar largimin e tij.

Ai shprehet se pas humbjes në 25 Qershor nuk ka më shpresë se gjërat mund të ndryshojnë për mirë në këtë parti, e cila po shkon drejt vetasgjësimit.

Edvin Kulluri ditët e fundit i është bashkuar lëvizjen anti-Basha në Partinë Demokratike duke i kërkuar që të japë dorëheqjen dhe jo të ‘ngrijë’ funksionet.
 
Statusi i plotë
Te dashur miq dhe dashamires! Sidomos ju me te cilet kam punuar sidomos keto 4 vite ne opozite per fitoren e PD dhe te djathtes, per nje qeverisje me te mire.
 
Ju falenderoj per mbeshtetjen e luajalitetin sidomos demokratet e Tepelenes me te cilet punuam per riorganizimin e PD ne vitin 2014 dhe ata te Selenices nga viti 2015 e ne vazhdim.
 
Po ashtu ndjej nje mirenjohje te thelle per ata gazetare qe megjithe presionin e qeverise por fatkeqesisht edhe nga brenda PD-se per te mbyllur studiot, me kane ftuar dhe mbeshtetur per 4 vite rresht te thoja te vertetat sic i mendoja.
 
Nga dita e sotme bej me dije vendimin tim per tu terhequr nga politika ne kushtet e qeverisjes me te keqe ne 27 vite dhe nje opozite qe po shkon drejt veteasgjesimit.
 
Ne nje situate te paprecedente, nderkohe kam patur kenaqesine te bashkepunoje me nje grup te madh njerezish me kurajo brenda PD, per te mos lejuar kete farse te shemtuar qe po ndodh.
 
Duke qene se nuk ma lejon morali te konformohem por dhe duke mos pare shprese se gjerat mund te ndryshojne e shoh me te udhes te terhiqem ne jeten private. Ju falenderoj dhe njehere.
 

dy.b/shqiptarja.com