TIRANE - Sado e çuditshme mund të duket, sot ka dalë një njeri që publikisht ka hequr dorë nga dyrrogësimi. Nën moton "leku i tepërt të prish", humoristi shqiptar Xhevahir Zeneli u ka premtuar miqve në emisionin "Paçe me gazeta", por edhe të gjithë teleshikuesve, se do të heqë dorë nga rroga që merr në televizionin A1 REPORT!, por jo nga puna.

Deklaratat që kanë shkaktuar mjaft të qeshura dhe situata humoristike, u bënë nga ai gjatë komentimit të lajmit se Sali Shehu kishte një vit që merrte rrogën në Këshillin e Lartë të Drejtësisë dhe nuk kishte qenë asnjë ditë të vetme në punë.