“Tahiri” lë pas dore reformën
zgjedhore, asnjë mbledhje

Kuvendi me vendimin nr. 102 në 5 tetor, ka ngritur komisionin e posaçëm për reformën zgjedhore, i cili përbëhet si asnjëherë nga 16 anëtarë, 8 nga mazhoranca e 8 nga opozita, si dhe përfshihen në të 7 parti parlamentare. Edhe pse kanë kaluar më shumë se 3 javë nga ngritja e tij, ky komision ende nuk është mbledhur as për tu konstituuar.

Report TV është interesuar pranë anëtarëve të komisionit për të ditur nëse kanë ndonjë datë për të filluar punën, por si në kampin e majtë, ashtu edhe në atë të djathtë, anëtarët thanë se nuk kishin përcaktuar akoma një datë për thirrjen e komisionit.

Dalja në publik e dosjes italiane të përgjimeve ndaj Habilajve, ku u implikua dhe akuzua edhe ish-ministrin Tahiri, bëri që kjo cështje të ngelej jashtë vëmendjes. Ky komision ka një afat 6 mujor, dhe muaji i parë po konsumohet pas asnjë hap përpara.

Sipas vendimit të Kuvendit, ky komision duhet të trajtohu rekomandimet e raporteve të OSBE/ODIHR-it për tre zgjedhjet e fundit të viteve 2013, 2015 dhe 2017, të institucioneve përgjegjëse për zgjedhjet dhe të propozimeve të partive politike që në zgjedhjet e fundit kanë marrë secila jo më pak se 1 për qind të votave në zgjedhjet e fundit për Kuvendin.

Komisioni drejtohet nga dy bashkëkryetarë, një nga Partia Socialiste dhe një nga Partia Demokratike. Ata janë Bledar Çuçi dhe Oerd Bylykbashi. Partia Socialiste ka 8 anëtarë, PD dy, dy LSI dhe katër janë aleatët e PD_së, Nard Ndoka, Vangjel Dule, Dashamir Shehi dhe Fatmir Mediu. 

dy.b/shqiptarja.com

TAG:
• OSBE