POP 5

Lajmet më të lexuara të 5 minutave të fundit

Kronikë

“Territorialja”, Fino: 131 vendorë 
kundër hartës me 39 - 47 njësi

Në përgjigjet e sjella në komisionin e posaçëm për reformën territoriale nga 225 njësi vendore, 94 janë pro dhe 131 kundër për variantin e hartës me 39 deri në 47 bashki. Kështu ka deklaruar Kryetari Bashkim Fino, i cili është shprehur se çdo vërejtje e argumentuar do të meret parasysh për versionin përfundimtar që do të votohet në Kuvend më 31 korrik. VIDEO
“Territorialja”, Fino: 131 vendorë <br />kundër hartës me 39 - 47 njësi
TIRANË - Shumica e njësive vendore janë kundër variantit të hartës së re territoriale me 39 deri në 47 bashki, përzgjedhur nga mazhoranca. Këtë fakt e pohon kryetari Komisionit të posaçëm për Reformën Administrative-Territoriale, Bashkim Fino.

Por nga ana tjetër, Bashkim Fino shprehet se vërejtjet e vendorëve do të meren në konsideratë, kur ata e argumentojnë mendimin e tyre.

Në vazhdën e konsultave dhe propozimeve në konsideratë janë marrë dhe gjykimet e camëve të PDIU-së, që kërkojnë një ndarje të hartës me rreth 60-70 njësi vendore dhe bashkimin në një njësi të vetme të komunave të Xarës, Konispolit e Markatës.

Në përfundim, Fino lajmëroi që harta përfundimtare, pas kalimit në Këshillin e Ministrave do të vijë më 31 korrik në parlament për votim.

...
Më 22 maj, komisioni, i cili është bojkotuar nga opozita, miratoi variantin 39/47, mes pesë varianteve të sjella nga qeveria, si më të përshtatshmin për hartën e re administrative të vendit. Prej gati dy muajsh, ky variant i është prezantuar strukturave të pushtetit vendor për një proces konsultimi dhe marrje mendimi. Më pas, ky variant do të kthehet në një projektligj, që do t’i propozohet parlamentit për miratim brenda këtij sesioni parlamentar (31 korrik).

Komisioni i posaçëm, që nisi nga puna më 25 prill 2014 u bojkotua nga opozita e djathtë. Megjithatë, ndryshimi i hartës administrative të vendit vlerësohet mëse i nevojshëm nga të dyja palët .Pakësimi i numrit të njësive vendore synon të përmirësojë shërbimet ndaj komunitetit, të lehtësojë proceset zgjedhore dhe të ulë koston financiare që duhet për mbajtjen e një numri mjaft të madh strukturash lokale (aktualisht rreth 373).

Reforma territoriale është mbështetur nga ndërkombëtarët, SHBA, qeveria suedeze, zvicerane, OSBE, BE, etj.

Redaksia Online
(Gre.M/Shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Milani përballet me Real Madridin, Fonseca: Jemi të motivuar, Leao luan nga minuta e parë

Milani përballet me Real Madridin, Fonseca: Jemi të motivuar, Leao luan nga minuta e parë

5 Nëntor, 15:19